Грамадства2424

Што можа адбыцца на пратэстанцкім «Фестывалі надзеі», на які прыедзе прапаведнік з ЗША

На выходных, 16—17 мая, у Мінску на «Чыжоўка-Арэне» пройдзе «Фестываль надзеі», у якім прымуць удзел пратэстанцкія цэрквы. Падзею такога маштабу беларускім пратэстантам дазволілі ўпершыню за дзесяцігоддзі. Фестываль можа сабраць да дзесяці тысяч чалавек.

«Чыжоўка-арэна»

На «Фестываль надзеі» ў Мінск едзе прапаведнік са ЗША Фрэнклін Грэм — адзін з самых вядомых евангельскіх лідараў у свеце. Ён ладзіць шматтысячныя пратэстанцкія фестывалі ў Афрыцы, Азіі, Еўропе, спалучае іх з маштабнымі гуманітарнымі праектамі. Грэм выступаў з малітвай на інаўгурацыі прэзідэнта ЗША Дональда Трампа. Ён таксама сябруе з сям’ёй Джона Коўла, спецыяльнага пасланніка прэзідэнта ЗША ў Беларусі, нагадвае Радыё Свабода.

Падрабязнай праграмы «Фестывалю надзеі» ў адкрытым доступе няма. Анансуюць хор з 1300 чалавек, сімфанічны аркестр, сусветных і беларускіх выканаўцаў, «пасланне пра любоў і мір ад Фрэнкліна Грэма, асабістую малітву і падтрымку кожнага».

У падрыхтоўцы «Фестывалю надзеі», са слоў баптысцкага верніка Андрэя (імя змененае дзеля бяспекі суразмоўцы), бяруць удзел амаль усе пратэстанцкія цэрквы Беларусі, але перадусім баптысты і пяцідзясятнікі.

«Хор, які цяпер рэкламуюць, — гэта хор з розных цэркваў Беларусі. Я не памятаю, каб раней такі хор збіраўся. Яны трэніруюцца ў пяцідзясятніцкай царкве ў Мінску. Можаце ўявіць, колькі патрацілі сродкаў, каб сабраць людзей, прывезці з розных канцоў Беларусі, каб яны маглі парэпетаваць яшчэ да фестывалю», — расказаў Андрэй для Радыё Свабода.

Ён тлумачыць, што звычайна на такіх фестывалях ёсць дзве часткі: музычная — са спевамі духоўных гімнаў і малітвай, і казанне, якое гаворыць галоўны спікер. Працягваюцца яны па некалькі гадзін.

«Магчыма, будуць кароткія сведчанні людзей, якія раскажуць, чаму яны хрысціяне», — дадае суразмоўца.

«Цэнтральнай часткай будзе пропаведзь ад Фрэнкліна Грэма. Ён будзе прапаведаваць з перакладам. Відаць, хвілін 30—40. У канцы пропаведзі будзе заклік, каб людзі спавядаліся ў сваіх грахах, давяралі сваё жыццё Хрысту», — разважае Глеб пра тое, як можа выглядаць фестываль.

Уваход на фэст бясплатны. Хто фінансуе падзею, невядома. На думку Андрэя, спонсарам можа быць Асацыяцыя Білі Грэма, як гэта бывала раней.

«Чыжоўка-Арэна» змяшчае каля 10 тысяч чалавек. Вернікі мяркуюць, што яна будзе поўнай. Патэнцыйна запоўніць пляцоўку могуць толькі пратэстанты Мінска. Але запрашаюць на фестываль не толькі пратэстанцкіх вернікаў, а ўсіх жадаючых.

«Магчыма, улады туды правядуць і супрацоўнікаў сілавых структур, і чыноўнікаў з райвыканкамаў — што ж, няхай паслухаюць пра Бога, няхай думаюць, як ім каяцца», — разважае Павел Севярынец.

Суразмоўцы «Свабоды» не ўспамінаюць, каб раней у Беларусі праходзіла такая буйная падзея для пратэстантаў.

Аднак іншыя вялікія імпрэзы ўсё ж адбываліся, яны часам збіралі тысячы чалавек. «Бывала, што ў гарадах ставілі вялізны намёт — не трэба было здымаць памяшканне — праводзілі евангелізацыю, запрашалі людзей пагаварыць пра Бога, пра сэнс жыцця. Такія падзеі рэгулярна праводзілі. Памятаю, на Кангрэс моладзі пад Кобрынам у 2010 годзе сабраліся больш за тысячу чалавек», — успамінае Андрэй.

У Брэсце гарадское свята «Горад святла» ладзілі менавіта пратэстанты, расказвае Глеб. Туды прыходзілі не толькі вернікі, але і ўсе жыхары горада. На сцэне выступалі і «крутыя музыканты»і хрысціянскія прапаведнікі.

Каментары24

  • Абу
    14.05.2026
    "Салідны Гасподзь для салідных гаспод". А быў бы Трамп мармонам - дазволілі б мармонскі фестываль. У Беларусі няма мармонаў? Не бяда - у Беларусі ёсць бюджэтнікі, ваеннарабы і піянерыя. Можна і школу назваць імем Джозэфа Сміта.
  • Indrid Cold
    14.05.2026
    Бог ёсць, але ён ветхазаветны
  • прамаўляць
    14.05.2026
    >і казанне, якое гаворыць галоўны спікер
    казанні, па-мойму ж прамаўляюць (?)

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны41

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

У Беларусі ўсё больш машын у продажы. Старыя карчы яшчэ складаней прадаць?3

Украіна нанесла ўдар па аэрадроме Ахтубінска каля Астрахані, у глыбіні Расіі3

Акцёр з «Купалы» выклаў у вольны доступ ШІ-фільм, які прынёс яму 450 тысяч даляраў1

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны12

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць