Вайскова-марскія сілы Францыі затрымалі ў Міжземным моры каля берагоў Сіцыліі нафтавы танкер Deliver, які заходнія краіны лічаць часткай расейскага «ценявога флоту». Па інфармацыі французскіх уладаў, судна было затрымана за парушэнні міжнароднага марскога права.
Прэзідэнт Францыі Эмануэль Макрон заявіў, што гэтая аперацыя дэманструе рашучасць еўрапейскіх краін супрацьстаяць схемам, якія дазваляюць Расіі абыходзіць міжнародныя санкцыі. Паводле яго слоў, Еўропа не збіраецца дазваляць выкарыстанне «ценявога флоту» для фінансавання расійскіх ваенных дзеянняў.
La Marine Nationale a arraisonné mardi le pétrolier Deliver alors qu’il transitait au large de la Sicile en infraction avec le droit de la mer.
Cette nouvelle action contre la flotte fantôme, conduite quelques jours après une opération similaire par le Royaume-Uni… pic.twitter.com/5Gjn43MhLr
Згодна з данымі сэрвісу адсочвання суднаў, танкер Deliver ходзіць пад сцягам Камеруна. У пачатку чэрвеня ён выйшаў з расійскага порта Прыморск і накіроўваўся ў Сінгапур.
Гэта ўжо не першы выпадак затрымання суднаў, якія звязваюць з расійскім «ценявым флотам». За апошні час Францыя разам з саюзнікамі праводзіла аналагічныя аперацыі супраць некалькіх танкераў. У некаторых выпадках пасля праверак або выплаты штрафаў судны адпускалі.
Паводле ацэнак заходніх краін, расійскі «ценявы флот» налічвае больш за 700 танкераў. Такія судны часта выкарыстоўваюць заблытаную структуру ўласнасці, рэгіструюцца пад сцягамі розных дзяржаў і змяняюць маршруты, каб абыходзіць абмежаванні на экспарт расейскай нафты.
Пасля папярэдніх затрыманняў некаторыя танкеры пачалі мяняць свае маршруты, каб пазбегнуць узмоцненага кантролю. Падобныя меры супраць суднаў «ценявога флоту» раней прымалі таксама Вялікабрытанія, Бельгія, ЗША, Эстонія і іншыя краіны Захаду.
Трамп: Армузскі праліў будзе цалкам адкрыты ў бліжэйшыя адзін-два дні
У праліве Ла-Манш рускі вайсковы карабель уступіў у канфлікт з брытанскай яхтай
Брытанія перахапіла судна расійскага «ценявога флоту» ў Ла-Маншы
Чаму нафта каштуе менш за $100, нягледзячы на вайну на Блізкім Усходзе? Адказ трэба шукаць у Кітаі
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары