Свет1717

Турцыя не змагла знайсці купца на расійскія С-400 і можа адправіць іх на металалом

Турцыя пакуль не змагла знайсці купца на расійскія зенітна-ракетныя комплексы С-400. Перамовы на гэты конт з Аб’яднанымі Арабскімі Эміратамі, па інфармацыі амерыканскіх СМІ, зайшлі ў тупік, піша The Moscow Times.

Фота: Vitaly V. Kuzmin

Анкара раней звярнулася да Расіі па дазвол на перапродаж С-400 ААЭ. Аднак перамовы, як паведамляецца, спыніліся. Адной з магчымых прычын называюць тое, што самі Эміраты зацікаўлены ў амерыканскіх знішчальніках F-35 і не хочуць набываць расійскія сістэмы, якія могуць стварыць для іх падобныя праблемы з Вашынгтонам.

Менавіта наяўнасць С-400 з'яўляецца галоўнай перашкодай для вяртання Турцыі ў праграму F-35. Амерыканскія сенатары патрабуюць, каб Анкара цалкам пазбавілася ад расійскіх комплексаў. Раней Турцыя прапаноўвала проста вывесці іх з эксплуатацыі, аднак частка амерыканскіх палітыкаў лічыць гэтага недастатковым.

Паводле сенатара-дэмакрата Крыса Кунса, любая краіна, якая набудзе і разгорне С-400, можа сутыкнуцца з тымі ж абмежаваннямі і праблемамі, што і Турцыя.

Прэзідэнт ЗША Дональд Трамп яшчэ ў пачатку ліпеня даў зразумець, што гатовы дазволіць Турцыі набыць F-35 і зняць з яе санкцыі, уведзеныя пасля куплі расійскіх комплексаў. Прэзідэнт Турцыі Рэджэп Таіп Эрдаган заявіў, што чакае ад Трампа выканання гэтага абяцання.

Аднак у Сенаце ЗША падкрэсліваюць: пакуль Турцыя не пазбавіцца ад С-400, пытанне пра F-35 застаецца заблакаваным.

Калі Анкара не зможа прадаць комплексы ААЭ і не знойдзе іншага прымальнага для ЗША спосабу ад іх пазбавіцца, адным з варыянтаў можа стаць іх поўнае знішчэнне або здача на металалом. Пры гэтым амерыканскі чыноўнік адзначыў, што Турцыя, відаць, усё ж зацікаўлена ў тым, каб знайсці іншае рашэнне праблемы.

ЗША і саюзнікі па НАТА асцерагаюцца, што разгортванне С-400 разам з заходняй вайсковай тэхнікай дазволіць Маскве атрымаць сакрэтныя даныя пра амерыканскія знішчальнікі пятага пакалення F-35. Расійскія спецыялісты, якія абслугоўваюць С-400, патэнцыйна маглі б вывучыць стэлс-тэхналогіі F-35. 

Таму з-за моцнага ціску заходніх саюзнікаў і пагрозы далейшых эканамічных стратаў Анкара так і не разгортвала купленыя ў 2019 годзе С-400 на пастаяннае баявое дзяжурства у поўным аб'ёме. Пры гэтым выдаткавала яна на здзелку з Масквой каля 2,5 мільядаў даляраў.

У выніку купля С-400 стала для Турцыі геапалітычнай пасткай: намагаючыся прадэманстраваць незалежнасць сваёй знешняй палітыкі і дыверсіфікаваць пастаўшчыкоў зброі, Анкара сур'ёзна сапсавала адносіны з ЗША і НАТА, страціла доступ да авіяцыі новага пакалення F-35 і атрымала дарагія ракетныя комплексы, якія цяпер фактычна прастойваюць.

Каментары17

  • Ну вось і ўсё ..
    17.08.2026
    А Украіне аддаць, не?
  • Беларус
    17.08.2026
    Янка Збеглы, адкрываем збор на BYSOL.
  • Ў
    17.08.2026
    Ну вось і ўсё .., яны састарэлыя і не вельмі эфектыўныя, украінцы наўрад ці зацікавіліся бы.

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць