Грамадства44

У Кіеве абмяркуюць, як ператварыць падтрымку дэмакратычнай Беларусі ў практычнае партнёрства з Украінай

18‑19 верасня ў Кіеве пройдзе грамадска-палітычная частка 5‑га Форума Астрожскіх. Беларускія і ўкраінскія эксперты, палітыкі, даследчыкі, медыя і прадстаўнікі грамадзянскай супольнасці абмяркуюць, што перашкаджае практычнаму супрацоўніцтву і якое месца дэмакратычная Беларусь можа заняць у будучай сістэме рэгіянальнай бяспекі.

Сёлетняя праграма форуму сканцэнтраваная на тым, як вайна Расіі супраць Украіны змяняе рэгіён і якое месца ў новай сістэме бяспекі могуць заняць дэмакратычная Беларусь і беларускія супольнасці.

Ці можа падтрымка Украіны беларускімі дэмакратычнымі сіламі і супольнасцямі стаць асновай паўнавартаснага партнёрства дзвюх краін? Чаму доўгачаканая сустрэча Святланы Ціханоўскай і Уладзіміра Зяленскага не дапамагла вырашыць канкрэтныя міграцыйныя, банкаўскія і сацыяльныя праблемы беларусаў ва Украіне? Якую ролю беларусы могуць адыгрываць ва ўкраінскім грамадстве — і якую адказнасць нясуць перад краінай падчас вайны?

Удзельнікі таксама абмяркуюць, ці можа культура стаць часткай супольнага супрацьдзеяння «рускаму свету», як зрабіць голас антываеннай Беларусі больш чутным ва Украіне і кім беларускія добраахвотнікі могуць стаць для Украіны ў доўгатэрміновай перспектыве — толькі ўдзельнікамі сённяшняй вайны ці часткай больш шырокага беларуска-ўкраінскага супрацоўніцтва ў сферы бяспекі?

Падчас форуму таксама будуць прадстаўленыя вынікі новых даследаванняў беларуска-ўкраінскіх адносін.

Арганізатары запрашаюць беларускія незалежныя медыя далучыцца да асвятлення падзеі.

Акрэдытавацца можна тут.

Аргкамітэт можа арганізаваць каментары прадстаўнікоў форуму і дапамагчы з падборам экспертаў па асобных тэмах праграмы.

Кантакт для СМІ: [email protected] 

Форум Астрожскіх — рэгулярная беларуска-ўкраінская экспертная пляцоўка, створаная для абмеркавання актуальных праблем двухбаковых дачыненняў і выпрацоўкі практычных прапаноў для іх вырашэння. Традыцыйна мерапрыемства праходзіць у двух частках: палітычная частка адбываецца ў Кіеве, экспертная — у Львове.

Форум аб’ядноўвае экспертаў, даследчыкаў, прадстаўнікоў грамадзянскай супольнасці і палітычных інстытутаў Беларусі і Украіны. У аснове яго працы — падтрымка тэрытарыяльнай цэласнасці і суверэнітэту абедзвюх краін, непрыманне расійскай агрэсіі і акупацыі, а таксама падтрымка дэмакратычнага развіцця і еўрапейскага выбару Беларусі і Украіны.

Рэгістрацыя для ўдзельнікаў — тут.

Форум арганізуюць беларускія і ўкраінскія арганізацыі: Free Belarus Center, Рада знешняй палітыкі «Украінская прызма», Украінскі каталіцкі ўніверсітэт, Інстытут «Палітычная сфера», Цэнтр «Еўрапейскі дыялог» і Цэнтр еўрапейскай трансфармацыі пры падтрымцы Konrad Adenauer Stiftung, Friedrich-Ebert-Stiftung (FES) і Міжнароднага фонду «Адраджэнне».

Каментары4

  • Конрад Адэнаўэр ?
    05.09.2026
    Арганізатары немцы?
  • Мы ўдзячныя і вітаем!
    05.09.2026
    Дзякуй вялікі Конраду Адэнаўру і Фрыдрыху Штыфтунгу за падтрымку беларускай дэмакратыі і нашай Прэзідэнткі Святланы Ціханоўскай!
  • Не
    06.09.2026
    Мы ўдзячныя і вітаем!, ябацька, твой прэз гэта Лука. Адэнаўэр, чалавек, змагаўся з такім дыктатарам, як Лука.

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Сэрца — амаль адзіны орган, які не хварэе на рак. Навукоўцы пачынаюць разумець чаму1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай30

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць