У Мінску на месцы закінутых тэрыторый і старых паветак будуць будаваць катэджы
Новыя катэджы з'явяцца ва ўсіх раёнах сталіцы.
У найбліжэйшыя гады на такіх пляцоўках плануюць пабудаваць 360 катэджаў. Пра гэта паведаміў генеральны дырэктар «Мінскбуда» Анатоль Вядзерчык, пішуць «Мінск-Навіны».
Новыя катэджы з'явяцца ва ўсіх раёнах сталіцы — у залежнасці ад лакацыі ў кожным з іх пабудуюць ад 1 да 25 дамоў. Для гэтага падбіраюць пляцоўкі, дзе немагчыма размясціць шматпавярховую забудову або прамысловыя аб'екты.
— У Мінску ёсць частка пляцовак, якія не выкарыстоўваюцца. Яны альбо закінутыя, альбо там стаяць незруйнаваныя паветкі. Было прынята рашэнне на гэтых пляцоўках, якія немагчыма выкарыстаць пад панэльнае жыллё альбо якую-небудзь вытворчасць, пабудаваць індывідуальныя жылыя дамы, — растлумачыў Анатоль Вядзерчык.
Першыя дзевяць аб'ектаў прадпрыемства ўжо знаходзяцца ў працы. Два з іх найбліжэйшым часам выставяць на аўкцыён, а яшчэ сем катэджаў плануюць здаць у наступным годзе. Зямельныя надзелы пад будаўніцтва будуць выдаваць на правах арэнды.
Паводле слоў кіраўніка «Мінскбуда», дамы будуць здавацца ў высокай ступені гатоўнасці, з усімі падведзенымі інжынернымі сеткамі, каб пакупнікам заставалася выканаць толькі чыставое аздабленне
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары