Свет33

Рэстараны ЗША сутыкнуліся з праблемай — людзі менш ядуць з-за «Азэмпіку»

У адным з рэстаранаў нечакана сталі заканчвацца кантэйнеры для рэшткаў ежы. А сярэдні чэк ва ўстанове за апошнія месяцы ўпаў больш чым на 25%, бо людзі заказваюць толькі закускі або дзеляць асноўныя стравы. Цяпер кафэ думаюць, што рабіць з меню.

Амерыканскія рэстараны спрабуюць прыстасавацца да кліентаў, якія прымаюць «Азэмпік» і яго аналагі, апісвае The New York Times.

Прэпараты для пахудзення GLP-1 (Wegovy, Ozempic, Zepbound) прымаюць каля 11% дарослых амерыканцаў, гэта прыкладна 30 млн чалавек, і іх колькасць будзе расці. Гэтыя людзі радзей ходзяць у рэстарацыі і менш там трацяць.

Шэф-кухар з Атланты Дэбора Ванціс заўважыла, што ў яе пачалі заканчвацца кантэйнеры для рэшткаў ежы: госці пакідалі палову талеркі. Сярэдні чэк у яе рэстаране за апошнія месяцы ўпаў больш чым на 25%, бо людзі заказваюць толькі закускі або дзеляць асноўныя стравы.

Здавалася б, рашэнне для рэстаранаў простае: больш бялку і меншыя порцыі. Але бялок дарагі, ялавічына каштуе рэкордна шмат. Паменшыць порцыю ўдвая не азначае зменшыць цану ўдвая, бо рэстаранам трэба кампенсаваць арэнду, заробкі і расходы на прадукты. Паводле аднаго з кансультантаў, палова порцыі будзе каштаваць каля 75% поўнай цаны. Сітуацыю абвастраюць і іншыя чыннікі: з 2020 года заробкі супрацоўнікаў і аптовыя цэны на ежу выраслі больш як на 35%, вайна з Іранам падняла цэны на прадукты і паліва, а трэць рэстаранаў у першым паўгоддзі была стратнай.

Цяжэй за ўсё сеткам фастфуду, бо бургеры і смажаная ежа не тое, чаго хочуць людзі на «Азэмпіку» і яго аналагах. McDonald's афіцыйна сцвярджае, што ўплыву прэпаратаў не адчувае, але тэстуе салаты і закускі з курыцай. Пры гэтым кампанія асцярожнічае, бо не ўпэўнена, што попыт апраўдае ўвядзенне новых пазіцый. Уладальнік Burger King назваў такія прэпараты рызыкай для бізнэсу і тэстуе меншыя порцыі. Shake Shack запусціў меню з бургерамі без булак і з пазначэннем колькасці бялку.

Эксперт кампаніі Sysco раіць кавярням павялічваць колькасць бялку з дапамогай танных прадуктаў (сачавіцы, яек, тварагу), спалучаць меншы кавалак стэйка з крэветкамі і прапаноўваць больш маленькіх страў, як у Еўропе. Нью-ёркскі рэстаран Tucci ўвёў мініверсіі страў, але не стаў скарачаць звычайныя порцыі, каб не раззлаваць іншых гасцей. 

Каментары3

  • Барадзед
    04.10.2026
    Пусть продают зажиревшим от фастфуда американцам салат "Коул слоу". От этого не поправишься.
  • Але
    04.10.2026
    Праблема ў тым, што 90% ад "рэстаранаў" у ЗША гэта спродаж падобнага слопа: бургер смажаны ўнутры іншага бургера, бутэрброды памерам з гараж, залітыя нейкай сыраподбнай масаю, і курыныя паўфабрыкаты ў паўметровым слаі фрыцюра.

    Таму мо час мяняць мадэль назад, якой яна была да эпохі кукурузнага сіропа і соевага канцэнтрату.
  • zoidberg
    04.10.2026
    "Эксперт кампаніі Sysco"
    Sysco - адзін з трох найвялікшых пастаўшыкоў паўфабрыкатаў для тых рэстаранаў. Здавалася б, пры чым тут рост выдаткаў...

Цяпер чытаюць

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Жанчыне, якая арганізавала ў Мінску незалежную культурную прастору, далі пяць гадоў калоніі18

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць