Магілёўскі абласны Савет дэпутатаў падтрымаў прапанову аб пашырэнні межаў Дрыбінскага раёна. Для гэтага да яго плануюць далучыць часткі тэрыторый Горацкага, Магілёўскага і Чавускага раёнаў. Пытанне абмяркоўвалася на пазачарговай 27‑й сесіі абласнога савета, піша БелТА.
Па словах начальніцы галоўнага ўпраўлення землеўпарадкавання аблвыканкама Ірыны Петручэні, пасля змены межаў плошча Дрыбінскага раёна павялічыцца больш чым на 20 тысяч гектараў. З іх больш за 8,5 тысячы гектараў будуць займаць сельскагаспадарчыя землі.
Да раёна далучаць 27 населеных пунктаў: два з Горацкага раёна, сем з Магілёўскага і 18 з Чавускага.
Перад абмеркаваннем прапановы працоўная група, як сцвярджаецца, вывучала меркаванні мясцовых жыхароў. Найбольш людзей хвалявалі пытанні гандлю, транспартных зносін, працы школ, дзіцячых садкоў і ўстаноў аховы здароўя, жыллёва-камунальнай гаспадаркі, а таксама перарэгістрацыі.
Старшыня Магілёўскага аблвыканкама Анатоль Ісачанка заявіў, што для паляпшэння эканамічнай сітуацыі ў Дрыбінскім раёне прадугледжаны шэраг мер. Сярод іх — фінансаванне з абласнога бюджэту, стварэнне спрыяльных умоў для інвестараў, развіццё сацыяльнай сферы і сельскай гаспадаркі, а таксама стварэнне новых працоўных месцаў. Пасля пашырэння раёна на яго будуць распаўсюджвацца льготы і прэферэнцыі, якія дзейнічаюць у паўднёва-ўсходніх раёнах Магілёўскай вобласці.
Па выніках пасяджэння дэпутаты вырашылі накіраваць у Савет Міністраў праект прапановы аб змяненні адміністрацыйна-тэрытарыяльнага ўладкавання і ўзбуйненні Дрыбінскага раёна.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары