Ежа22

Створаны бананы, якія не цямнеюць. Неўзабаве яны могуць з'явіцца ў супермаркетах

З дапамогай геннай інжынерыі брытанскія навукоўцы знайшлі спосаб падоўжыць тэрмін захоўвання прывабнага выгляду бананаў. Новы сорт ужо атрымаў дазвол на вырошчванне ў Бразіліі.

Здымак ілюстрацыйны. Фота: vecteezy.com

Каля 20% страт бананаў у ланцужку паставак звязаныя з пацямненнем іх мякаці. Пры гэтым карычневы колер не абавязкова азначае, што фрукт сапсаваўся, але робіць яго менш прывабным для пакупнікоў. Брытанская біятэхналагічная кампанія Tropic Biosciences прапанавала спосаб вырашэння праблемы.

Як піша The Independent, спецыялісты кампаніі выкарысталі тэхналогію CRISPR-Cas9, каб змяніць тры гены, звязаныя з выпрацоўкай ферменту поліфенолаксідазы. Менавіта ён выклікае пацямненне мякаці фруктаў пасля ачышчэння або наразання пры кантакце з кіслародам.

У выніку даследчыкам удалося атрымаць бананы, якія значна даўжэй захоўваюць натуральны колер. Паводле кампаніі, падчас выпрабаванняў з удзелам прадаўцоў і перапрацоўшчыкаў нарэзаныя фрукты захоўвалі свежы выгляд да васьмі дзён пры належных умовах захоўвання. Гэта асабліва важна для вытворцаў фруктовых салатаў, дэсертаў і іншых гатовых прадуктаў.

Новы гатунак ужо атрымаў міжнароднае прызнанне: летась часопіс TIME уключыў яго ў спіс найлепшых вынаходстваў 2025 года. Сёлета Японія і Бразілія дазволілі імпарт, продаж і ўжыванне новых бананаў. Пры гэтым Бразілія таксама ўхваліла іх вырошчванне. У Вялікабрытаніі новыя бананы яшчэ павінны прайсці праверку бяспекі, перш чым трапіць на паліцы супермаркетаў.

Аўтары праекта разлічваюць, што тэхналогія дазволіць скараціць харчовыя адходы і звязаныя з імі выкіды парніковых газаў больш чым на 25%. 

Каментары2

  • Мінак
    15.10.2026
    для пачатку вярніце смак, які мелі бананы 20 год таму.
  • %
    15.10.2026
    Гэта як і малако (смятана), якое не скісае, а папросту пераўтвараецца ў нейкую хімічную сумесь?

Цяпер чытаюць

Крымскі мост зруйнаваны ўдарам украінскіх ракет

Усе навіны →
Усе навіны

Урсула фон дэр Ляен прывяла Беларусь як прыклад, да чаго прыводзіць адмова ад еўраінтэграцыі21

Беёнсэ стала першай артысткай, якую намінавалі на «Грэмі» 100 разоў1

Расійскі хакеіст, які амаль усю кар'еру гуляў у Беларусі, пайшоў заваёўваць Украіну і загінуў1

30‑гадовы блогер Максім Пушкін зрабіў другую перасадку валасоў. Колькі заплаціў?16

Зніклага расійскага Z-ваенкара Раманава маглі абвінаваціць у дзяржздрадзе5

Па справе абразы доктаркай жанчыны з інваліднасцю на яе працы праводзяць праверку6

Жанчына набыла цукеркі «Бутэлечкі», у якіх усярэдзіне не было лікёру. Чаму так?5

У Мінску пачалі будаваць новы касцёл8

На канцэрт Кадышавай у Мінску ў какошніках прыйшлі нават мужчыны92

больш чытаных навін
больш лайканых навін

Крымскі мост зруйнаваны ўдарам украінскіх ракет40

Крымскі мост зруйнаваны ўдарам украінскіх ракет

Галоўнае
Усе навіны →

Заўвага:

 

 

 

 

Закрыць Паведаміць