Самым сэксуальным мужчынам 2026 года прызналі зорку серыяла «Бальніца Піт»
У інтэрв’ю выданню People Ноа Уайлі прызнаўся, што спачатку палічыў гэтую навіну чыімсьці жартам.
55‑гадовы амерыканскі акцёр Ноа Уайлі стаў самым сэксуальным мужчынам у свеце ў 2026 годзе паводле версіі часопіса People. Ён вядомы па галоўнай ролі ў серыяле «Бальніца Піт».
У інтэрв’ю выданню Уайлі прызнаўся, што спачатку палічыў гэтую навіну чыімсьці жартам. Акцёр расказаў, што даведаўся пра свой новы статус падчас здымак у Ірландыі, калі яму патэлефанаваў яго піяр-менеджар.
Акцёр расказаў, як жонка Сара пераканала яго прыняць званне самага сэксуальнага мужчыны 2026 года.
«Менавіта яна стала прычынай, па якой я пагадзіўся. Сара была вельмі задаволеная, бо гэта сведчыць пра яе добры густ», — пажартаваў акцёр.
Паводле слоў Уайлі, жонка лічыць яго вартым гэтага звання не толькі дзякуючы знешнасці, але і за чалавечыя якасці, стаўленне да сям’і і дзяцей.
Артыст таксама расказаў пра рэакцыю дзяцей. Яго 24‑гадовы сын Оўэн папярэдзіў, што новае званне можа прыцягнуць да бацькі нядобразычліўцаў. А 21‑гадовая дачка Одэн паабяцала яшчэ доўга паджартоўваць з яго.
У інтэрв’ю Уайлі ўспомніў і пачатак адносін з Сарай. У той час ён часта рабіў ёй падарункі ўласнымі рукамі: збіраў альбомы з фотаздымкамі іх спатканняў, пісаў вершы і маляваў.
Пара пазнаёмілася ў 2010 годзе, а ў чэрвені 2014‑га пажаніліся. Пара выхоўвае 11‑гадовую дачку Фрэнсіс. У акцёра таксама ёсць двое старэйшых дзяцей ад першага шлюбу з Трэйсі Уорбін.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары