Расійская сетка крамаў Fix Price запусціла ў Беларусі першы ўласны размеркавальны цэнтр. Склад арандаваны на пяць гадоў, паведаміў прадстаўнік кампаніі выданню «Ведомости». Цэнтр будзе забяспечваць пастаўкі тавараў у крамы сеткі па ўсёй Беларусі. Таксама яго могуць выкарыстоўваць для паставак у іншыя краіны.
Склад размешчаны ў лагістычным комплексе «Прылессе» ў Мінскім раёне. Яго плошча складае 13 870 квадратных метраў, а разліковая ёмістасць — каля 13 800 палетамесцаў.
Плануецца штодня апрацоўваць па 650 палет пры прыёмцы і адгрузцы тавараў. Гэта адпавядае прыблізна 22—23 грузавікам, якія прыбываюць са складу пастаўшчыкоў, і 40—42 аўтамабілям умяшчальнасцю па 16 палет кожны для дастаўкі прадукцыі ў крамы.
Fix Price выйшла на беларускі рынак у 2017 годзе. Цяпер у краіне працуе 411 крамаў сеткі — як у буйных гарадах, у тым ліку Мінску, Гомелі, Магілёве, Брэсце і Гродне, так і ў невялікіх населеных пунктах.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос1
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары