Супрацоўнік Валожынскага райвыканкама, які атрымаў 10 сутак за выступ на сходзе, ва ўсім вінаваціць сябе.
6 лістапада, у суботу, пасля 10 сутак арышту, быў вызвалены супрацоўнік аддзела культуры Валожынскага райвыканкаму Віталь Карацень.
27 кастрычніка ён выступіў на паседжанні па вылучэнні дэлегатаў на Усебеларускі з’езд, пасля чаго быў пакараны арыштам.
«НН» дазванілася да Віталя пасля вызвалення і вось як ён пракаментаваў сітуацыю:
«Я сам ва ўсім вінаваты. Гэта ўсё дурная гарэлка. Да мяне прыехалі сябры і мы гэта два дні адзначалі».На пытанне, што ж такога ён сказаў са сцэны раённага Цэнтра культуры, Віталь адказвае: «Нічога не памятаю».
Каментары