Каля 20 маладых літоўскіх лібералаў прыйшлі сёння да прэзідэнцкага палаца ў Вільні на акцыю салідарнасці з беларусамі, якія зазнаюць палітычныя пераследаванні.
Падобныя ж акцыі адбыліся сёння і ў Шаўляй, Каўнасе, Марыямполі, Цяльшай, Радвілішкісе, Алітусе і Лаздзіяй.
«Мы хочам выказаць салідарнасць і падтрымаць грамадзянаў Беларусі, якія зазнаюць пераследы», — сказала DELFI адна з арганізатараў акцыі Аўшрынэ Арманайтэ.
На пачатку гэтага тыдню арганізацыя Lietuvos liberalus jaunimas распаўсюдзіла рэзалюцыю, у якой заклікала Сойм, прэзідэнта і МЗС асудзіць вынікі прэзідэнцкіх выбараў у Беларусі.
Арманайтэ перакананая, што пазіцыя Літвы мусіць быць больш жорсткай. «Швецыя і Нямеччына жорстка выказаліся, асудзілі і нават маюць намер увесці санкцыі ў адносінах да Беларусі, у той час як пазіцыя Літвы застаецца досыць умеранай. Яна мусіць быць больш жорсткай, тым больш што гэта наш сусед».
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы79
Каментары