Хоць па законе грамадзяне маюць права атрымаць іх на беларускай мове.
Правы новага ўзору можна атрымаць і на беларускай мове. Праўда, у рэальнасці іх выдаюць на трасянцы.
З 1 лютага 2011 ДАІ Мінска пачала выдаваць правы новага ўзору. Новае пасведчанне кіроўцы ўяўляе сабой пластыкавую картку, дзе будзе фота іх уладальніка, яго аўтограф, дата і месца нараджэння кіроўцы і г.д. У афармленні дакумента будуць выкарыстоўвацца англійская, беларуская і руская мовы, паведамлялі інфармагенцтвы са спасылкай на кіраўніцтва ДАІ.
Аднак замест беларускай мовы ў новым дакуменце з’явіўся характэрны мікс: «ДАI Мiнгарвыканкама» міліцэйскія чыноўнікі палічылі магчымым назваць «ГАI Мiнгорiсполкома». А чаго варты запіс «GAI Mingorispolkoma»! Так і ўяўляеш нямецкага паліцыянта, які чытае гэтыя словы.
Правы новага, міжнароднага ўзору патрэбныя будуць кіроўцам для паездак за мяжу з 29 сакавіка 2011 года, калі ўступаюць у сілу папраўкі да Канвенцыі аб дарожным руху 1968 года. Уладальнікі першай партыі новых дакументаў наступныя 10 гадоў будуць кіраваць транспартнымі сродкамі, выкарыстоўваючы пасведчанні кіроўцы з гэтым ляпам.
Каментары