Бабруйчанін не паставіў машыну на ручнік і пайшоў дадому. Калі вярнуўся, аўто ўжо было ў возеры
Каб дастаць машыну з вадаёма, прыйшлося выклікаць ратавальнікаў.
Скрыншот відэа
Бабруйчанін прыпаркаваў аўто каля возера на вуліцы Інтэрнацыянальнай. Мужчына забыўся паставіць машыну на ручнік і падняўся ў кватэру.
Калі праз некаторы час ён вярнуўся, машыны на месцы не было. Тады бабруйчанін націснуў на бірульку сігналізацыі і зразумеў, што яго «Хонда» знаходзіцца ў вадаёме.
Работнікі МНС разам з вадалазам з дапамогай лябёдкі дасталі аўтамабіль. Ён атрымаў механічныя пашкоджанні.
Каментары