Яшчэ двух абвінавачаных па справе «Аб масавых беспарадках» Дзмітрыя Новіка і Аляксандра Малчанава азнаёмілі з матэрыяламі справы. Хутка над імі павінен адбыцца суд.
Цяпер матэрыялы па справах Дз. Новіка і А.Малчанава знаходзяцца ў пракуратуры. Абодва яны абвінавачваюцца па ч.2 арт.293 Крымінальнага кодэкса РБ, то бок у актыўным удзеле ў масавых беспарадках.
На дадзены момант яшчэ дакладна не вядома, у якім судзе будуць разглядацца гэтыя справы. Вядома толькі тое, што 13–14 лютага справа Дз. Новіка будзе разглядацца ў Менгарсудзе, які будзе вырашаць, у які раённы суд справа будзе перададзена.
Таксама па інфармацыі праваабаронцаў, следчы даў дазвол маці А.Малчанава Галіне на спатканне з сынам у СІЗА КДБ, аднак кіраўніцтва СІЗА адмовіла ёй у прадастаўленні такой магчымасці. Наколькі вядома, пакуль сустрэчу з маці меў толькі Іван Гапонаў.
Нагадаем, што раней з матэрыяламі справы былі азнаёмленыя Аляксандр Атрошчанкаў і двое грамадзян Расіі Іван Гапонаў і Арцём Брэус.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары