Чым жыве краіна ў чаканні крэдыту МВФ: «значэнне ідэалагічнага складніка ў працы прадпрыемстваў узрастае»
Такое меркаванне выказаў учора на выязной нарадзе ідэалагічных работнікаў Мінскай вобласці Аляксандр Радзькоў.
Ідэалагічны складнік у працы прадпрыемстваў набывае ўсё большае значэнне. Такое меркаванне выказаў учора на выязной нарадзе ідэалагічных работнікаў Мінскай вобласці першы намеснік кіраўніка адміністрацыі прэзідэнта Аляксандр Радзькоў, перадае БЕЛТА.
Часцяком за вытворчымі паказчыкамі не заўважаецца галоўнае — чалавек, яго інтарэсы і асобасныя характарыстыкі. Трэба больш працаваць з людзьмі, абмяркоўваць з імі хвалюючыя праблемы, перспектывы. «Дайшоўшы да кожнага, працуйце з кожным, выслухайце, людзям трэба жывыя зносіны», — звярнуўся Аляксандр Радзькоў да ідэалагічнага актыву Мінскай вобласці.
На яго думку, калі больш актыўна праводзіць гэтую працу, шматлікіх праблем можна пазбегнуць.
Пакуль ідэалагічныя працаўнікі не навучыліся працаваць на папярэджанне, прыклад чаму — нядаўняя трагедыя ў мінскім метро.
У сучасных умовах патрэбныя новыя метады, комплексныя падыходы, індывідуальная работа з чалавекам. Галоўны прынцып: ідэолаг тады паспяховы, калі ён пераканаўчы. Вынік ідэалагічнай работы на першы погляд не бачны, ён не вылічваецца валавымі паказчыкамі. Ад гэтага залежаць бяспека людзей, сацыяльная стабільнасць. Тут не павінна быць разліку.
Асобна спыніўся Аляксандр Радзькоў на захаванні працоўнай дысцыпліны, закраналіся пытанні развіцця грамадзянскай супольнасці, супрацоўніцтва ўлады з грамадскімі арганізацыямі, грамадзянамі.
Памочнік прэзідэнта, галоўны інспектар па Мінскай вобласці Мікалай Іванчанка
падкрэсліў важнасць асабістых якасцяў ідэолага (ён павінен «гарэць» тымі ідэямі, якія нясе ў грамадства), навучання ідэалагічных работнікаў, вывучэння замежнага досведу.
Сёння ўдзельнікі нарады, а гэта прадстаўнікі адміністрацыі прэзідэнта, кіраўнікі структурных падраздзяленняў аблвыканкама, намеснікі старшыняў райгарвыканкамаў па пытаннях сацыяльнай сферы і ідэалагічнай рабоце, начальнікі аддзелаў ідэалагічнай работы райгарвыканкамаў наведалі некалькі прадпрыемстваў раёна, сацыяльных аб’ектаў, на базе якіх пазнаёміліся з арганізацыяй ідэалагічнай працы, абмеркавалі актуальныя пытанні развіцця ідэалагічных службаў.
Цяпер чытаюць
Хто той замежнік, які забіў жонку і згвалтаваў падчарыцу ў Добрушы19
Хто той замежнік, які забіў жонку і згвалтаваў падчарыцу ў Добрушы
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары