Праваабаронца называе ідэі наконт будаўнікоў хворай фантазіяй. «Краіна ўступіла ў Мытны саюз, які прадугледвае свабоднае перамяшчэнне працоўнай сілы».
Праваабаронца Гары Паганяйла пракаментаваў для «Нашай Нівы»заяву Аляксандра Лукашэнкі, які загадаў спыніць бясплатнае медыцынскае абслугоўванне тым, хто працуе за мяжой, а таксама налічваць ім 100%-ную камуналку.
Юрыст адзначыў, што прапановы Лукашэнкі выходзяць за межы прававога поля.
Будзе парушана Канстытуцыя, якая гарантуе бясплатнае лячэнне, законы, якія, напрыклад, прадугледжваюць роўнасць паміж грамадзянамі Беларусі і Расіі, і базавыя правы накшталт права выбару месца жыхарства і працы.Разам з тым,
калі гэтыя палажэнні будуць аформленыя ў выглядзе прэзідэнцкага дэкрэта, то выканаўчыя ўлады будуць абавязаныя выконваць іх.Гары Паганяйла лічыць ідэі Лукашэнкі абсурднымі: «Краіна ўступіла ў Мытны саюз, які прадугледвае свабоднае перамяшчэнне працоўнай сілы, людзі адклікнуліся на гэтую прапанову, а цяпер ім забараняюць працу. Эканамічныя ўмовы ў Беларусі фактычна выціскаюць людзей з краіны, хоць Канстытуцыяй грамадзянам гарантаваны высокі ўзровень жыцця».
«Гэта блюзнерства і парушэнне законаў — і маральных, і прававых. Да такога можа дадумацца толькі хворая фантазія, якая не ведае эканамічных законаў.Такія ідэі карэнным чынам супярэчаць нормам сусветнага права», — мяркуе Гары Паганяйла.
Чыноўнікі прагаварыліся, што ў Беларусі засталося толькі 8,8 мільёна чалавек? Гэта няправільная выснова7
Каментары