Яна стала другой ахвярай жудаснай аварыі, што здарылася ў ноч на 6 ліпеня 2011 года.
У бальніцы памерла дзяўчына, якая трапіла пад колы фуры на выхадзе са станцыі метро «Магілёўская» ў ноч на 6 ліпеня. Пра гэта паведамляе Auto.onliner.by са спасылкай на прэс-службу мінскага ДАІ.
У той аварыі на Партызанскім праспекце загінуў кіроўца таксі. Ягоную «Рэно Логан» гружаны рухавікамі «МАЗ-54329» пратараніў першай. Потым фура сутыкнулася яшчэ з трыма легкавікамі — «Рэно Лагуна», «Аўдзі А4», «БМВ-525».
Пасля сутыкнення з легкавымі аўтамабілямі фура выехала на прыпыначны пункт «ст.м.Магілёўская», збіла мужчыну 1953 года нараджэння, што сядзеў на лаўцы. Затым яна заехала на запрашальную пляцоўку другога вестыбюля станцыі метро «Магілёўская», дзе наехала дзяўчыну 1992 года нараджэння, студэнтку аднаго з ВНУ Мінска, якая ў той момант выходзіла з метро. Ратавальнікі МНС з выкарыстаннем гідраўлічнага інструмента дасталі дзяўчыну з-пад колаў грузавіка.
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе8
Каментары