«На куплю сельгаспрадукцыі», — кажа Лукашэнка.
У Беларусі плануецца павысіць тарыфную стаўку першага разраду, заявіў Аляксандр Лукашэнка, выступаючы з дакладам на нарадзе педагагічнага актыву Беларусі.
Паводле яго словаў, галоўны прынцып дзяржаўнай палітыкі ў Беларусі — гэта інтарэсы людзей. «Мы людзей не пакрыўдзім і ў гэты складаны перыяд. Па майму даручэнню ўрад распрацаваў і ў бліжэйшыя дні прыме шэраг мер па сацыяльнай абароне розных слаёў насельніцтва», — сказаў ён.
У прыватнасці, бюджэтнікам і непрацуючым пенсіянерам прадугледжана выплаціць аднаразовую матэрыяльную дапамогу ў памеры Br500 тыс. для сезоннай закупкі сельгаспрадукцыі.
«Затым плануецца павысіць тарыфную стаўку першага разраду для аплаты працы работнікаў бюджэтных арганізацый. Будуць штоквартальна расці дапамогі сем’ям, якія выхоўваюць дзяцей.
У чацвёртым квартале бягучага года плануецца павелічэнне ў два разы аднаразовай дапамогі ў сувязі з нараджэннем дзіцяці. Таксама вырастуць пенсіі і стыпендыі», —паведаміў Прэзідэнт.
«Мы будзем і далей трымаць сітуацыю ў эканоміцы і сацыяльнай сферы пад кантролем», — дадаў ён.
Ва Украіне загінула 24-гадовая беларуская добраахвотніца Марыя Зайцава31
Каментары