Кіраўнік Адміністрацыі Дзмітрый Круты ў эфіры тэлеканала «Беларусь 1» раскрыў працоўны графік Аляксандра Лукашэнкі на пачатак 2026 года, піша БелТА.
«Лукашэнкам на першы квартал (можна нават сказаць, на студзень) анансавана некалькі сур’ёзных мерапрыемстваў з нашымі ваеннымі ведамствамі. Таму дзяржаўны сакратарыят Рады бяспекі зараз рыхтуе гэтыя мерапрыемствы. Далей ён плануе наведаць «Планар», каб паслухаць, як рэалізуецца праграма развіцця мікраэлектронікі да 2028 года і сумесныя інтэграцыйныя праекты з Расійскай Федэрацыяй», — расказаў Дзмітрый Круты.
Таксама будзе праца сельскагаспадарчага сектара, асабліва ў Віцебскай вобласці. «Кантрольны тэрмін — першы квартал, калі неабходна навесці парадак на жывёлагадоўчых аб’ектах, на нашых мехдварах, сфарміраваць інвестыцыйныя планы, каб весна-палявыя работы пачаліся ў поўнай гатоўнасці. Гэта таксама цяпер знаходзіцца ў пастаянным фокусе ўвагі Лукашэнкі, і ён адпаведныя справаздачы заслухоўвае практычна штодзень», — падкрэсліў кіраўнік Адміністрацыі.
Каментары