Расія вывела на арбіту спадарожнікі Беларусі, Ірана і Эквадора
Ракета «Саюз-2.1б» з разгонным блокам «Фрэгат» вывела на арбіту спадарожнікі трох краін — Беларусі, Ірана і Эквадора, паведамілі ў прэс-службе «Раскосмасу».
Фота: Раскосмас
Ракета стартавала ў нядзелю, 28 снежня, у 16:18 па мінскім часе. Старт быў з касмадрома Усходні.
Асноўная карысная нагрузка ракеты — спадарожнікі стэрэаскапічнай здымкі Зямлі «Аіст-2Т» нумар 1 і нумар 2. Яны былі выведзены на арбіту прыкладна праз гадзіну пасля пуску. Акрамя спадарожнікаў на арбіты былі дастаўлены яшчэ 50 апаратаў.
«Сярод іх — спадарожнікі навуковага і тэхналагічнага прызначэння ад арганізацый з Расіі і дружалюбных дзяржаў (Іран, Беларусь, Эквадор)», — удакладнілі ў «Раскосмасе». Іншыя падрабязнасці не паведамляюцца.
Каментары