Залужны плануе пакінуць пасаду пасла Украіны ў студзені і вярнуцца ў Кіеў
Экс-галоўнакамандуючы УСУ Валер Залужны плануе пакінуць пасаду пасла ў Вялікабрытаніі студзені. Пра гэта ўкраінскае выданне Nv.ua паведамляе са спасылкай на чатыры крыніцы ў палітычных і дыпламатычных колах.
Паводле слоў суразмоўцаў, блізкіх да Офіса прэзідэнта Украіны, былы галоўнакамандуючы Узброеных сіл Украіны паведаміў пра гэта Зяленскаму яшчэ некалькі тыдняў таму.
— Яны з прэзідэнтам абмяркоўвалі розныя пасады для Залужнага — ад прэм’ер-міністра да кіраўніка Офіса прэзідэнта, але на той момант ён зацікаўленасці не праявіў, — адзначаюць крыніцы выдання.
Паводле слоў іншых крыніц, пэўны час Залужны нават разважаў пра пасаду пасла ў ЗША або галоўнакамандуючага Узброеных сіл Украіны, але на дадзены момант рашэнняў наконт гэтага няма. Пра змену пасла ў ЗША цяпер гаворка не ідзе, кажуць суразмоўцы.
Суразмоўцы NV не выключаюць, што Залужны можа вярнуцца ў Кіеў і абвясціць пра сваё рашэнне 4—5 студзеня, калі «нічога не паўплывае на яго рашэнне».
Валерый Залужны быў звольнены з пасады галоўнакамандуючага Узброеных сіл Украіны ў лютым 2024 года. Праз некалькі месяцаў ён быў прызначаны паслом Украіны ў Вялікабрытаніі.
-
Самалёт Flydubai уратавалі пілот-індыец і тры пасажыры, адзін з якіх стаматолаг. Другога пілота звязалі правадамі ад слухавак і маланкамі
-
У Паўднёвай Карэі 600 тысяч чалавек прыйшлі паглядзець на акулу, якая захрасла ў канале
-
У амерыканскім Тэнэсі ўпершыню за 200 гадоў збіраліся пакараць смерцю жанчыну. Але выкананне прыпынілі за гадзіну да прызначанага часу
Каментары
Відаць перамоўны працэс сапраўды ідзе паспяхова.