Мікалай Аўтуховіч растлумачыў, чаму парэзаў сабе вены +фота ліста
У сваім лісце ён просіць пісаць яму болей і пра ўсё, каб «сыходзіць думкамі» з калоніі.
Анастасія Кухарэнка, якая вядзе перапіску з палітзняволеным, атрымала адразу два лісты, якія датуюцца 22 снежня ды 31 снежня. У першым з іх Аўтуховіч распавёў, што з-за «камандзіровак» з лістапада не меў магчымасці перапісвацца, а таксама запэўніў, што моцны і здолее ўсё вытрымаць.
– Камусці падабаецца жыць як у 37-ым годзе, але толькі не мне. Крыху прыйшлося адстойваць свой гонар звацца чалавекам, а не жывёлай. Ну інакш ніяк — не разумелі, не чулі. Яшчэ раз прашу: не турбуйся, не хвалюйся, я моцны, я проста вытрымаю, нават калі адзін буду стаяць супраць зла, — напісаў Аўтуховіч у лісце.
Па словах Анастасіі Кухарэнка, Мікалай Аўтуховіч упершыню папрасіў, каб яму пісалі часцей. Палітвязень паведаміў, што яму больш няма чым пісаць, і папрасіў, каб дасылалі мяккія стрыжні. Апроч таго, Аўтуховіч заклікаў пісаць яму пра ўсё на свеце, бо «трэба больш сыходзіць думкамі» з калоніі. У сваім лісце ён зазначыў, што калі б меў магчымасць, абавязкова павіншаваў бы са святамі ўсіх, з кім вядзе перапіску.
16 снежня з Івацэвіцкай калоніі № 5, дзе ваўкавыскі прадпрымальнік адбывае пакаранне нібыта за незаконнае захоўванне і перавозку пяці патронаў і паляўнічай стрэльбы, прыйшло СМС-паведамленне аб тым, што Аўтуховіч ускрыў сабе вены. Нагадаем, палітвязень не аднойчы рабіў замах на сваё здароўе, калі абвяшчаў галадоўкі на знак пратэсту супраць утрымання яго ў турме. 22 снежня інфармацыю пацвердзіў адказны за зняволеных, змешчаных у ПКТ Аляксандр Шаршуновіч.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары