Паведамленне МУС і Следчага камітэта аб спыненні злачыннай дзейнасці службовых асоб органаў унутраных справаў і следства Клімавіцкага раёна наводзіць на думку, што шматгадовая барацьба з мафіяй у гэтай частцы Магілёўшчыны прайграная.
Паводле афіцыйнай версіі, старшы оперупаўнаважаны Клімавіцкага РАУС, старшы следчы Клімавіцкага раённага аддзела Упраўлення Следчага камітэта па Магілёўскай вобласці і начальнік Клімавіцкага РАУС стварылі злачынную групу і шляхам шантажу і пагроз вымагалі ў прадпрымальніка 500 тысяч даляраў.
У снежні 2011 і студзені 2012 яны атрымалі ад сваёй ахвяры каля 8 млн расійскіх рублёў за непрыцягненне да крымінальнай адказнасці. 18 студзеня «пярэваратні ў пагонах» былі затрыманыя з доказамі злачынства падчас атрымання чарговай партыі грошай у памеры 0,5 млн расійскіх рублёў. Супраць іх распачатая крымінальная справа па ч. 3 арт. 430 КК (атрыманне хабару ў асабліва буйным памеры). Справа знаходзіцца на асабістым кантролі старшыні Следчага камітэта Валерыя Вакульчыка.
Трэба меркаваць, што цяпер праваахоўнікі і іншыя кантралявальныя органы прафільтруюць на наяўнасць злачынстваў карупцыйнай скіраванасці ўвесь Клімавіцкі раён. Што ўжо адбывалася не раз.
Справаў мафіёзных ў гэтым раёне рабілася нямала.У 2005 годзе Гомельскі абласны суд асудзіў былога старшыню Клімавіцкага райвыканкама Уладзіміра Канавалава на 4 гады пазбаўлення волі за перавышэнне службовых паўнамоцтваў. Па матэрыялах следства суд палічыў даказаным два эпізоды. Адзін з іх датаваўся 1999 годам, калі кіраўнік раённай адміністрацыі даў указанне невядомым асобам сфабрыкаваць ліст за подпісам міністра сельскай гаспадаркі на адрас дырэктара Клімавіцкага
У 2007 годзе ў Магілёўскім абласным судзе слухалася крымінальная справа былога начальніка АБЭЗ Клімавіцкага РАУС. Афіцэр міліцыі абвінавачваўся ў атрыманні хабару і злоўжыванні службовымі паўнамоцтвамі.
Падчас расследавання справы было высветлена, што абвінавачваны ў перыяд з ліпеня па снежань 2006 года неаднаразова атрымліваў хабар за садзейнічанне ў бесперашкодным незаконным вывазе ў Расію лому каляровых і чорных металаў, калійных угнаенняў і даваў прадпрымальнікам інфармацыю аб дыслакацыі нарадаў Клімавіцкага РАУС на аўтадарогах раёна. Паводле звестак Naviny.by, былога змагара з эканамічнай злачыннасцю асудзілі на пяць гадоў.
Яшчэ адна гучная справа раённага маштабу мела пачацца ўлетку 2007 года, калі ўказам прэзідэнта «ў сувязі з грубым парушэннем службовых абавязкаў» ад пасады старшыні і суддзі суда Клімавіцкага раёна быў вызвалены Ігар Цішкін.
Па чутках, КДБ затрымаў прафесійную пасярэдніцу ў атрыманні хабараў, якая выклала поўны расклад: каму, колькі і за што плацілі, назваўшы пры гэтым і старшыню суда. Кажуць, Цішкін скарыстаўся судзейскай недатыкальнасцю і разам з сям’ёй праз Украіну выехаў у Польшчу, дзе ў 2009 годзе атрымаў палітычны прытулак.
Праўда, у інтэрв’ю праекту «Адкрытая Беларусь» Ігар Уладзіміравіч сцвярджае, што быў падвергнуты пераследу з боку ўладаў за сваю непадкупнасць і прынцыповасць пры разглядзе кантрабандных справаў,якія ўяўлялі сабой нелегальны вываз за межы Беларусі каляровых металаў і спірту. Па словах былога суддзі, які знаходзіцца ў міжнародным вышуку, Клімавіцкі
Зразумела, што, знаходзячыся за межамі радзімы, казаць без асцярогі можна што заўгодна. Аднак новая гучная справа з удзелам далёка не шараговых супрацоўнікаў міліцыі, якія замахнуліся на паўмільённы ў «зялёных» хабар, сведчыць, што ў Клімавіцкім раёне пануюць нейкія «несмяротныя» мафіёзныя норавы.
Каментары