Да сляпых вострава Закінтас масава вяртаецца зрок.
Востраў Закінтас раней слыў сваімі руінамі венецыянскай эпохі, а таксама блакітнымі водамі на пляжах. Цяпер ён стаў вядомы яшчэ і надзвычайнай колькасцю сляпых. Новы ўрад краіны, які праводзіць палітыку строгай эканоміі, выявіў, што працэнт сляпых на востраве аж у 9 разоў перавышае сярэднееўрапейскі. У ЕС прыкладна 0,2% людзей лічацца інвалідамі па зроку. На Закінтасе — аж 1,8%.
Праверка выявіла, што дапамогу як сляпыя атрымліваюць, у тым ліку, мясцовы таксіст і птушкалоў (ёсць і такая пасада ў сацыяльна арыентаванай Грэцыі) .
Грэцыя сутыкнуліся з вялікім эканамічным крызісам праз тое, што ўрад доўгі час прыхоўваў сапраўдны памер дзяржаўнага доўгу, а выдаткі бюджэту ўвесь час раслі.
Праваслаўная царква Грэцыі пакуль ніяк не зрэагавала на эпідэмію слепаты на Закінтасе. Але ёй варта пільнаваць сітуацыю: хутка на востраве сляпыя масава і раптоўна стануць відушчымі.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары