ў гадавіну Ганебнага рэферэндуму.
Рух «За свабоду» прапануе выказаць сваё стаўленне да беларускай нацыянальнай сімволікі — бел-чырвона-белага сцяга і герба «Пагоня».
Актывісты Руху заклікаюць неабыякавых людзей насіць бел-чырвона-белыя стужкі, вешаць іх на машыны, на дрэвы.Такім чынам у чарговую гадавіну рэферэндуму 1995 года можна прадэманстраваць сваю павагу да беларускай гісторыі.
Узяць стужкі можна на офісах Руху «За свабоду» (Мінск, пр-т Незалежнасці, 80-73) і Партыі БНФ (Мінск, вул. Чарнышэўскага, 3).
14 мая 1995 года адбыўся рэферэндум, на які вынеслі пытанні аб змене дзяржаўнай сімволікі, наданні расейскай мове статуса дзяржаўнай, аб падтрымцы дзеянняў прэзідэнта на эканамічную інтэграцыю з Расіяй. Ініцыяваў рэферэндум Аляксандр Лукашэнка.
Той рэферэндум адбыўся ў атмасферы псіхалагічнага тэрору і парушэнняў свабоды слова. Дэпутаты парламента былі збітыя проста ў зале пасяджэнняў.
Рэферэндум атрымаў прыдомак «Ганебны», бо гэта быў адзіны выпадак, калі ўлады ў мэтах атрымання грошай ад Расеі апусцілі статус нацыянальнай мовы на карысць расейскай.
Каментары