У лукашэнкаўскіх газетах фотаздымкі з кіраўніком дзяржавы абавязкова рэтушуюць. А вось тэлевізійнікі пакуль слаба навучыліся «карыстацца фаташопам». А гады бяруць сваё...
Ніхто з простых смяротных ніколі не бачыў Аляксандра Лукашэнкі ў акулярах. Аднак ён імі карыстаецца.
Пра гэта сведчаць ўласна самі акуляры, якія знаходзіліся на стале прэзідэнта (леваруч яго) падчас нарады 11 верасня.
Блогер d-zholik адзначыў, што "ў адзін з гарачых момантаў, калі Лукашэнка актыўна жэстыкуляваў - беспаспяхова спрабуючы дастукацца да глыбінь свядомасці высокапастаўленых беларускіх чыноўнікаў - ён ледзь не разбіў свае акуляры, заехаўшы па іх рукой".
Лукашэнку 58 гадоў, і ўвага грамадства да ягонага здароўя тлумачыцца дзвюма прычынамі. Па-першае, улада не адкрытая: у адрозненне ад дэмакратычных краін, дзе дзяржаўныя дзеячы празрыстыя для грамадскасці, інфармацыя пра асабістае жыццё ці здароўе кіраўніка Беларусі ёсць толькі ўскосная. Па-другое, пры наяўным ладзе здароўе дыктатара — галоўны палітычны чыннік.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)