Энрыке Капрылес запатрабаваў ад Чавэса расследавання гібелі трох прадстаўнікоў апазіцыі.
Больш за 100 тысяч чалавек сабраліся ў сталіцы Венесуэлы Каракасе на мітынг у падтрымку кандыдата апазіцыі Энрыке Капрылеса Радонскага на прэзідэнцкіх выбарах 7 кастрычніка.
Капрылес запатрабаваў расследавання забойства трох актывістаў апазіцыі, якія загінулі ў час мітынгу ў штаце Барынас у мінулую суботу.
Выступаючы на мітынгу ў Каракасе, Энрыке Капрылес сказаў, што гэта найбольшы сход прыхільнікаў апазіцыі за ўсю гісторыю краіны.
«Праспект Балівара занадта малы для нас», абвясціў кандыдат, маючы на ўвазе адну з цэнтральных вуліц сталіцы Венесуэлы.
«Напярэдадні ад гвалту загінулі тры чалавекі. Гэтага не павінна было адбыцца.
Я хачу запэўніць іх блізкіх, і гэтых анёлаў на нябёсах, што 7 кастрычніка мы нанясем паражэнне гвалту», — заявіў кандыдат ад аб’яднанай апазіцыі.
У заяве апазіцыйнай партыі «Справядлівасць перадусім» гаворыцца, што мітынг у Барынасе, родным штаце прэзідэнта Чавэса, павінен быў адбыцца ў суботу, але ўсе дарогі да месца яго правядзення былі заблакаваныя прыхільнікамі ўрада.
Па трох актывістах, якія прыбылі на мітынг на машыне, быў адкрыты агонь невядомымі асобамі з аўтафургона. Міністр юстыцыі заявіў, што падазраваны ў гэтых забойствах арыштаваны.
Уга Чавэс знаходзіцца ва ўладзе з 1999 года. У мінулым годзе ў яго быў выяўлены рак.
Больш за 30 апазіцыйных партый падтрымалі Энрыке Капрылеса ў якасці адзінага кандыдата ад апазіцыі, які будзе супрацьстаяць леваму прэзідэнту краіны.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары