Аляксандр Класкоўскі. Кропкі над «і»44

У Страсбуры зноўку буры. У шклянцы вады

Праўду кажа афіцыйны кіраўнік: апазыцыянэры кансультуюць заходнікаў па поўнай праграме :) Піша ў сваім блогу Аляксандар Класкоўскі.

Праўду кажа афіцыйны кіраўнік: апазыцыянэры кансультуюць Эўропу па поўнай праграме :)

У прыватнасьці, трохі адукавалі ў Страсбуры новага дакладчыка ПАРЭ па Беларусі Андрэа Рыгоні. Маўляў, "лепш за ўсё прыяжджаць у Беларусь не аднаму, а ў фармаце парлямэнцкай "тройкі" ці нават "чацьверкі". Ну і іншыя карысныя парады.

Натуральна: у эўрапейскіх структурах увесь час ідзе ратацыя. Прыходзяць навічкі, зусім не абстраляныя на фронце змаганьня з "апошняй дыктатурай". А наша апазыцыйная гвардыя ўжо 13 год у акопах амаль ў нязьменным складзе.

Дарэчы, напярэдадні Мілінкевіч, трэба думаць, трохі паўшчуваў кіраўніка ПАРЭ Рэнэ ван дэр Ліндэна, які пагарачыўся, прыехаўшы ў студзені ў Менск на перамовы з уладамі без папярэдніх умоваў.

Увогуле ж новы тур дэбатаў вакол беларускага пытаньня ў ПАРЭ нагадвае працяг дыялёгу глухіх. Лукашэнка толькі што сказаў: у нас палітвязьняў няма! А яны: вашым першым крокам мусіць стаць іхняе вызваленьне!

І ці варта дзівіцца? Калі зьняць флёр дыпляматыі са слоў палітоляга Сяргея Панькоўскага, які нядаўна гаварыў з кіраўніком ПАРЭ (думаю, без перакладу: у Панькоўскага выдатная француская мова), дык спадар ван дэр Ліндэн сам ня ведае, як падступіцца да "беларускага пытаньня".

Галоўнае ж — усе гэтыя патэтычныя заявы: маўляў, градус увагі Эўропы да беларускага пытаньня няспынна падвышаецца! — вельмі далёкія ад рэальнасьці. Дыскусіі ў Страсбуры ці Брусэлі — толькі буры ў шклянцы вады.

Канешне, і на тым дзякуй, што не забываюць. Закідаць апазыцыйным лідэрам кантакты з Эўропай ня варта. Але варта выразна ўсьведамляць: увогуле Стары Сьвет жыве іншымі клопатамі. І не гатовы класьціся касьцьмі дзеля перамогі абстрактных ідэалаў ў загадкавай балотнай краіне. Тым болей што гэтыя абстрактныя ідэалы, кладучы руку на сэрца, сёньня мала хвалююць і значную частку самога беларускага электарату.

Дакладней, там, у Эўропе, падзел працы. Палітыкі штампуюць рэзалюцыі з асуджэньнем рэжыму, а бізнэсоўцы спраўна купляюць прадукаваную на нашых НПЗ салярку.

Іншая рэч, што над беларускім нафтавым афшорам згусьціліся расейскія хмары. Эканамічныя праблемы здольныя расхістаць сыстэму куды хутчэй, чым рэзалюцыі ПАРЭ.

Каментары4

Уладзімір Караткевіч. Як яму ўдалося застацца несавецкім і не скурвіцца? Ён дорага заплаціў12

Уладзімір Караткевіч. Як яму ўдалося застацца несавецкім і не скурвіцца? Ён дорага заплаціў

Усе навіны →
Усе навіны

«Расія лжэ наконт эканамічнага росту. Санкцыі працуюць, іх трэба ўзмацніць» — міністры фінансаў ЕС19

Галоўная зорка зборнай Украіны пераходзіць у іспанскі топ-клуб

Шэф-кухар. Што вядома пра расіяніна, арыштаванага ў Францыі за падрыхтоўку чагосьці жахлівага падчас Алімпіяды4

Расійскія актывісты паскардзіліся патрыярху Кірылу на Веніяміна — ён не моліцца за перамогу6

Галоўнакамандуючы УСУ расказаў пра перавагу Расіі ў тэхніцы і акрэсліў, што рабіць украінцам3

Лукашэнка папрасіў не называць яго гаспадзінам16

Галоўнакамандучы УСУ: Ва Украіны ёсць план вяртання Крыма, і гэта рэалістычна4

Сур'ёзна? Алімпійцы будуць плаваць у Сене? Насамрэч, афігенны праект адраджэння ракі8

Панядзелак стаў самым гарачым днём у гісторыі назіранняў

больш чытаных навін
больш лайканых навін

Уладзімір Караткевіч. Як яму ўдалося застацца несавецкім і не скурвіцца? Ён дорага заплаціў12

Уладзімір Караткевіч. Як яму ўдалося застацца несавецкім і не скурвіцца? Ён дорага заплаціў

Галоўнае
Усе навіны →