«Заціснула ў палаючым аўто». У страшным ДТЗ загінуў Віталь Прыхач, адзін з апошніх незалежных дэпутатаў
Яму было 46 гадоў.
У аўтакатастрофе трагічна загінуў Віталь Прыхач, сябра Руху «За Свабоду» з Белаазёрску, паведаміў Юрый Губарэвіч. Віталь Прыхач быў актыўным удзельнікам каманды дэмакратычных дэпутатаў, якія ў 2003 годзе выйгралі выбары ў Белаазёрску.
«Крэатыўны і энергічны, Віталь ніколі не губляў надзеі і заўсёды заставаўся верны сваім каштоўнасцям і перакананням.
Нам будзе вельмі яго не хапаць», — напісаў Губарэвіч.
Як стала вядома «Нашай Ніве», Віталь на сваім Chevrolet трапіў у ДТЗ 16 кастрычніка: не даўшы рады кіраванню, ён з’ехаў на машыне ў кювет і ўрэзаўся ў дрэва. Пасля гэтага аўто загарэлася. Віталь не змог выбрацца і на месцы сканаў у палаючым аўто ад атрыманых пашкоджанняў.
Менавіта пра гэта страшнае здарэнне раней паведамлялі ў ДАІ. Аварыя адбылася на аўтадарозе Алекшыцы — Ваўкавыск — Пружаны паблізу вёскі Поразава, што ў Свіслацкім раёне.
17 кастрычніка Віталя пахавалі. У яго засталося двое дзяцей.
Па факце здарэння праводзіцца праверка СК.
Лукашэнкаўцы ўпершыню за доўгі час паказалі Віктара Бабарыку13
Каментары