Прычым колькасьць шлюбаў сёлета зьменшылася, а разводаў павялічылася.
У Беларусі ў першым квартале бягучага года зарэгістравана 12 тыс. 441 шлюб і 8 тыс. 968 разводаў, паведамілі карэспандэнту БЕЛТА ў Міністэрстве статыстыкі і аналізу.
У Мінстаце адзначылі, што ў студзені‑сакавіку бягучага года ў параўнанні са студзенем‑сакавіком 2006 года колькасць зарэгістраваных шлюбаў знізілася на 9,8 працэнта, колькасць разводаў узрасла на 15,2 працэнта.
Пагоршыліся суадносіны рэгіструемых і скасаваных шлюбаў, падкрэслілі ў Мінстаце. Так, калі ў студзені‑сакавіку 2006 года на 1000 шлюбаў прыпадала 564 разводы, то ў студзені‑сакавіку 2007‑га — 721.
Паводле слоў спецыялістаў, у першым квартале бягучага года на 1000 жыхароў рэспублікі прыпадала 5,2 шлюбаў і 3,7 разводаў, у першым квартале 2006‑га было адпаведна 5,7 і 3,2.
У 2006 годзе ў Беларусі зарэгістравана 78 тыс. 974 шлюбы і 31 тыс. 814 разводаў. За мінулы год у параўнанні з 2005 колькасць зарэгістраваных шлюбаў павялічылася на 7,7 працэнта, колькасць разводаў узрасла на 4,2 працэнта. Палепшыліся суадносіны рэгіструемых і скасаваных шлюбаў: калі ў 2005 годзе на 1000 шлюбаў прыпадала 416 разводаў, то ў 2006 годзе — 403. У мінулым годзе на 1000 жыхароў рэспублікі прыпадала 8,1 шлюбаў і 3,3 разводаў, а ў 2005 годзе было адпаведна 7,5 і 3,1.‑0‑
Каментары