Насту Азарку затрымалі ў ноч на 16 траўня каля ўласнага дому.
Актывістку незарэгістраванага «Маладога фронту» зь Нясьвіжу мясцовыя міліцыянты адпусьцілі ні з чым. На разьвітаньне паабяцалі, што арганізатарам любой чарговай апазыцыйнай акцыі будуць лічыць яе.
Насту затрымалі ў ноч з 15 на 16 траўня каля ўласнага дому. Пры сабе яна мела расьцяжку. Нагодай для затрыманьня стала ананімнае тэлефанаваньне пра тое, што нехта вывешвае расьцяжкі. Дзяўчына не хавала, што вывешваньне ў горадзе расьцяжак з надпісамі «Беларусь не турма» і «Не тэрору» яе рук справа. У РУУСе на яе скалалі праткол. Сёньня спн. Азарку па тэлефоне выклікалі ў РУУС на гутарку, паабяцаўшы выпісаць позву на месцы. У выпадку няяўкі прыгразілі выклікам на адміністрацыйную камісію і вялікім штрафам. Міліцэйскае начальства цікавіла, хто дапамог дзяўчыне вывесіць расьцяжкі. Не пачуўшы адказу, пачалі шантажаваць, што самі знойдуць памагатых. І дадалі: «І тады яны ні давучыцца ня змогуць, ні працы знайсьці».
Насту Азарку пратрымалі ў пастарунку чатыры гадзіны, цягнулі час, не даючы позву.
На пытаньне, што будзе рабіць далей Наста адказвае: «Тое, што й дагэтуль».
Здымак з сайту Маладога фронту
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары