Грамадства44

Як цяпер выглядае апусцелая мінская «Пясочніца» ФОТЫ

У маі гэтага года стала вядома: адна з самых тусовачных лакацый Мінска спыняе сваё існаванне. «Рассыпалася» «Пясочніца», якая радавала гараджан ежай і лёгкай атмасферай на працягу васьмі гадоў. «Дамова арэнды скасаваная. На гэты момант незразумела, што будзе з праектам далей. Пакуль прыярытэтная задача — вызваліць займаныя плошчы», — так патлумачылі тое, што адбываецца, аўтары праекта. Выданне «Анлайнер» паглядзела, што адбываецца на месцы колішняй «Пясочніцы» цяпер.

«Базавыя» фудтракі, якія здаваліся ўжо ўрослымі ў зямлю, тут жа паспяшаліся пакінуць пляцоўку. Тэрыторыя, дзе яшчэ нядаўна спявалі, танцавалі і, вядома ж, елі, апусцела.

«У Мінска і яго жыхароў забралі часцінку душы. Дзякуй вам за ўсе шчаслівыя гады і ўспаміны, звязаныя з гэтай лакацыяй»;

«Легендарнае месца, пазнаёмілася з мужам у вас. Гадавіну святкавалі таксама ў вас»;

«Даведаўся пра вас яшчэ ў 2020‑м і незваротна палюбіў. Вялікі дзякуй за прыемную атмасферу, смачную ежу і выдатную арганізацыю», — такія каментарыі пакідалі гараджане на старонцы праекта ў Instagram.

Сёння, праз два з паловай месяцы, «квадраты» ў цэнтры Мінска ўсё такія ж пустыя. Пра тое, што сярод былых і дзейных цэхаў калісьці віравала тусовачнае жыццё, цяпер нагадвае толькі стрыт-арт, які застаўся ў спадчыну. Абстрактныя фігуры, надпісы, коміксы — гэта ўсё яшчэ на месцы.

Напэўна, у кожнага ў архіве знойдуцца фатаграфіі з «Пясочніцы». Можаце самі параўнаць бурнае мінулае са стрыманым сучасным.

Затое апусцелую пляцоўку ацанілі аўтамабілісты: месцаў для паркоўкі цяпер поўна.

Іншым жа застаецца толькі настальгаваць і чакаць адраджэння праекта ў новым месцы (а можа, і ў старым — хто ведае, як лёс можа павярнуцца).

Каментары4

  • Руіны Страляюць
    15.07.2026
    У́ласьнікі гэтых піцэрый , сушы барау́ , румачных , зыбіцкіх , камсамольскіх , камуністычных , горшыя ад акупантау́
  • .
    15.07.2026
    "Напэўна, у кожнага ў архіве знойдуцца фатаграфіі з «Пясочніцы».".

    Якія журналісты, такое і меркаванне пра іншых. Добра, што прыкрылі чарговы прытон.
  • Indrid Cold
    15.07.2026
    Ніякай свабоды ворагам свабоды

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць