З пачатку сезона збору грыбоў і ягад у беларускіх лясах заблукалі 68 чалавек, сярод якіх дзевяць дзяцей. Пра гэта падчас прэс-канферэнцыі паведаміў начальнік цэнтра пошукава-выратавальных работ атрада «ЗУБР» МНС Сяргей Навічук.
Па яго словах, большасць людзей, у тым ліку ўсіх дзяцей, удалося знайсці. На гэты момант працягваюцца пошукі шасці чалавек.
Сяргей Навічук адзначыў, што ратавальнікі маюць неабходную тэхніку і абсталяванне для правядзення пошукавых аперацый. Яны выкарыстоўваюць цеплавізары, тэхніку павышанай праходнасці, а таксама могуць працаваць як на зямлі, так і з паветра.
Для пошуку людзей у лясах таксама выкарыстаюць беспілотныя лятальныя апараты і авіяцыю.
Каментары