«Рокс» фармаваў густы той часткі моладзі, якая аддавала перавагу англамоўнаму року перад расейскай папсой. Дзяжурная фраза «роксаўскага» ды-джэя ў адказ на слухацкую заяўку: «Алёну Апіну не паставім, паслухайце песьню гурту «Айрасьміт».
Паводле слоў кіраўніцтва, зьмяніць фармат іх змусіў загад аб 75%-м напаўненьні этэру беларускай музыкай. На думку праграмнага дырэктара «Роксу» Зьмітра Аўсяньнікава, песьні «Лэд Зэпэлін» не спалучаюцца са сьпевамі Дарафеевай, што адбіваецца на якасьці этэру і размывае аўдыторыю. Каб зрабіць этэр больш адэкватным, кіраўніцтва і вырашыла круціць Газманава. «Рокс» сышоў у бок «шансону», каб зьменшыць рызыкі і выжыць: «Аўдыторыя зьменіцца толькі якасна, колькасна застанецца такой жа», — марыць сп.Аўсяньнікаў. Гэта значыць 5% фанаў року зьменяць 5% аматараў Шуфуцінскага.
Ці разглядала станцыя варыянты пераходу ў незанятыя нішу беларускамоўнага ра¬дыё (тут табе і 75% лёгка выканаць), джаз- ці клясык-радыё, якія існуюць у Маскве ці Ві¬льні?
Поўны варыянт чытайце ў папяровай і pdf-вэрсіі газэты "Наша Ніва"
Каментары