Нядаўна мая жонка Надзя сказала мне:
«Калі я ў Амэрыцы рыхтавалася да чарговай выстаўкі нашага народнага мастацтва, я заўсёды зьвярталася да Бога: «Памажы мне Божа ўславіць Беларусь».
Вось я й адгукнуўся на ейныя словы, напісаў Янка Запруднік
***
Памажы мне Божа Беларусь уславіць,
цяжкі лёд няведы пра наш край расплавіць,
паказаць прыгожасьць нашага мастацтва,
шматкалёрнай вышыўкі, прадзеньня і ткацтва
зь ільняною ніткай вытканымі ўзорамі,
васількамі сінімі, рамонкамі, зорамі;
паказаць наведнікам край заакіянскі,
мой народ са сьпеўнай моваю славянскай,
распавесьці людзям пра долю-нядолю,
пра нашу мінуўшчыну й змаганьне за волю.
Дай мне, мілы Божа, ўменьня і цярпеньня
расьсяваць пра родны край плоднае насеньне.
05.03.2017
Цяпер чытаюць
Памятаеце палітвязня Вітухноўскага, які пайшоў ваяваць за Расію? Ён ужо загінуў10
Каментары