На вуліцах Львова будуць устаноўленыя інфармацыйныя табліцы для турыстаў і стрэлкі з QR-кодамі, якія ўтрымліваюць поўныя даныя аб маршруце «Упершыню ў Львове» на шасці мовах. Чакаецца, што маршрут пачне функцыянаваць у верасні гэтага года, паведамляе Укрінформса спасылкай на мясцовы рэсурс «Твоє місто».
«Згодна з рашэннем выканкама Львоўскаай гарадской рады, у цэнтральнай частцы горада будуць устаноўленыя 15 інфармацыйных табліц і 40 стрэлак-паказальнікаў на плошчах Рынак і Кафедральная, а таксама па вул. Славацкага, Каперніка, Тэатральнай, Музейнай, Кракаўскай, Падвальнай і на пр. Свабоды. Маршрут складзены па кнізе І. Лямко «Львоў перадусім», — гаворыцца ў публікацыі.
Адзначаецца, што падарожжа па Львова аб'яднае 15 самых цікавых славутасцяў горада. Маршрут будзе пачынацца каля фантана Нэптуна на плошчы Рынак. За 2-3 гадзіны можна будзе прайсці ўнікальныя атракцыі Львова і даведацца цікавыя падрабязнасці пра іх.
Як пазначана ў рашэнні выканкама, інфармацыйныя таблічкі будуць мець фармат А4, і, акрамя QR-кода, там будзе размешчаны сімвал інавацыйнага турмаршрута ў выглядзе льва з нумарам лакацыі. Каменныя стрэлачкі на ходніках пакажуць шлях да наступнай славутасці.
Прачытаўшы з дапамогай смартфона код, турыст атрымае інфармацыю аб маршруце на ўкраінскай, польскай, англійскай, нямецкай, рускай і кітайскай мовах.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»12
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары