У канцы мая беларусы ўпершыню правядуць свята халадніка. Да ініцыятывы далучыліся Вільня, Уроцлаў і Хайфа.
Ідэю пра фэст беларускага халадніка падаў гісторык, культуролаг, адзін з найлепшых знаўцаў традыцыйнай кухні Алесь Белы. Гісторык кіраваўся прыкладам літоўцаў: гэтая страва, як і многое іншае, беларусаў з літоўцамі лучыць.
У канцы траўня ў Вільні трэці год будуць праводзіць маштабны фэст халадніка. Тое, што пачыналася як культурніцкая ініцыятыва, стала турыстычнай фішкай горада. Сёлета і беларусы Вільні далучацца да мясцовага святкавання.
З 30 траўня па 1 чэрвеня ў «Карчме 1863» (Bokšto g. 2, Вільня) пройдзе міні-фэст беларускага халадніка.
«Мы з радасцю далучаемся да агульналітоўскага фэста халадніка, каб падзяліцца сваімі смакамі і адчуць водар суседскіх традыцый. У гэтыя дні халаднік стане сімвалам супольнасці, гасціннасці і культурнага дыялогу. Гэта наш спосаб сустрэць лета са смакам і нагадаць усім, як калісьці мы жылі ў адной дзяржаве, дзяліліся рэцэптамі, развівалі і ўзбагачалі традыцыі адзін аднаго. Бо кулінарная спадчына — гэта тое, што аб’ядноўвае нават праз стагоддзі», — распавялі ў «Карчме».
Ідэю Белага падхапілі яшчэ некалькі асяродкаў.
Хайфа (Ізраіль) будзе рабіць свята 29 траўня (Hajfa, HaNeemanim 22) у 18:00.
Уроцлаў (Польшча) прызначыў свой фэст на 31 мая.
Мерацца правесці Дзень халадніка і ў Батумі (Грузія).
Пра гісторыю і рэцэпты халадніка, самай летняй і выключна здаровай стравы, можна прачытаць тут.
Цяпер чытаюць
Прахадныя балы ў медыцынскія ўніверсітэты ўпершыню істотна ўпалі ЛІЧБЫ1
Прахадныя балы ў медыцынскія ўніверсітэты ўпершыню істотна ўпалі ЛІЧБЫ
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары