У нядзелю, дзясятага верасня, у цэнтры самага еўрапейскага горада Беларусі адбудзецца культурніцкае мерапрыемства, якое аб’яднае ды дапаможа папулярызаваць разнастайныя праявы творчасці ад вядомых айчынных аўтараў, а таксама дасць магчымасьць гарадзенцам набыць якасную сувенірную ды іншую нацыянаарыентаваную прадукцыю наўпрост ад вытворцаў па найлепшых коштах.
Цягам дня ў памяшканні «Цэнтру гарадскога жыцця» будуць адбывацца выступы ды прэзентацыі, а ў дворыку можна будзе азнаёміцца з вытворчасцю ад майстроў з розных рэгіёнаў Беларусі.
Напрыканцы дня ахвочыя здолеюць альбо ўзяць удзел у традыцыйных танцах, што адбудуцца ў дворыку, альбо скіравацца на бясплатную гістарычную інтэлектуальную камандную гульню, што будзе прысвечаную ўгодкам Бітвы пад Оршай.
Праграма «Фэсту вышыванкі»
12:00-17:00 — выстава-кірмаш у дворыку на Савецкай, 3;
12:00-14:00 — выступ-лекцыя пісьменніка ды даследчыка Паўла Севярынца, прысвечаная гарадзенскім святарам, якія адраджалі Беларусь 100 гадоў таму;
14:00-14:30 — прэзентацыя гістарычных мапаў ды коміксаў для дзяцей і дарослых ад мастака Яна Мяльніцкага;
14:30-15:00 — выступ-гутарка з паэтам ды пісьменнікам Славамірам Адамовічам;
15:30-16:00 — выступ лаўрэата «Кніга года» (2016) паэтэссы Насты Кудасавай;
16:00-16:30 — прэзентацыя серыі эксклюзіўных літаратурных нататнікаў да 500-годдзя беларускага кнігадруку ды выступ празаіка Кірыла Стаселькі;
16:30-18:00 — выступ Алеся Дзянісава ды іншых музыкаў;
18:00-20:00 — традыцыйныя беларускія танцы пад жывую музыку ад сацыяльнага праекта «Танцы гарадзенскіх дворыкаў»;
18:00-20:00 — бясплатны паб-квіз «Слава Воршы ўжо ня горша» (Pizza Smile, вул. Перамогі, 47)
