Свет3636

Кыргызстан накіраваў ноту пратэсту Беларусі з-за дырэктара БНБК Урыцкага, у якім апазналі былога прэм'ера Кіргізіі

Данііл Урыцкі, фота Вадзіма Заміроўскага.

МЗС Кыргызстана 28 ліпеня выклікаў часовага паверанага ў справах Рэспублікі Беларусь у Кыргызстане Сяргея Іванова. Прычынай сталі публікацыі ў беларускіх СМІ аб адкрыцці ЗАТ «Беларуская нацыянальная біятэхналагічная карпарацыя». Пра гэта паведамляе замежнапалітычнае ведамства Кыргызстана.

Як сцвярджае кіргізскі бок, дырэктар ЗАТ «Беларуская нацыянальная біятэхналагічная карпарацыя» Данііл Урыцкі — былы прэм'ер-міністр Кыргызстана Даніяр Усенаў, прысуджаны на радзіме да пажыццёвага зняволення.

«Падчас сустрэчы Кыргызстан перадаў ноту, у якой выказвае пратэст знаходжанню і ажыццяўленню дзейнасці на тэрыторыі Беларусі асуджанага ў Кыргызстане на пажыццёвы тэрмін Даніяра Усенава, што з'яўляецца абсалютна непрымальным», — гаворыцца ў паведамленні.

У МЗС Кыргызстана са шкадаваннем адзначылі, што, нягледзячы на нацэленасць кіргізскага боку ў апошнія гады на актывізацыю двухбаковага кыргыска-беларускага супрацоўніцтва па ўсіх напрамках, узаемны ўдзел у інтэграцыйных аб'яднаннях, такіх як СНД, ЕАЭС, АДКБ, далейшая падтрымка афіцыйным Мінскам дзейнасці асуджаных былых высокапастаўленых чыноўнікаў Кыргызстана на тэрыторыі Беларусі ў чарговы раз наносіць шкоду двухбаковым сяброўскім адносінам, выклікае незадаволенасць з боку кіргізскай грамадскасці, раніць пачуцці родных і блізкіх загінулых і пацярпелых падчас падзей 7 красавіка 2010 г. (тады загінулі каля 90 чалавек і каля 1500 атрымалі раненні).

Кіргізскі бок зноў заклікаў ўлады Беларусі змяніць свой падыход да дадзенай сітуацыі і выконваць прынятыя на сябе міжнародныя абавязацельствы.

Даніяр Усенаў пасля падзеяў 2010 года збег з краіны. Ён быў абвінавачаны ў цяжкіх злачынствах і завочна асуджаны на пажыццёвы тэрмін. Інфармацыя пра тое, што Даніяр Усенаў пражывае ў Беларусі пад імем Данііла Урыцкага, упершыню з'явілася ў беларускіх СМІ ў снежні 2017 года.

На адкрыцці 27 ліпеня ЗАТ «Беларуская нацыянальная біятэхналагічная карпарацыя» быў прадстаўлены дырэктар прадпрыемства — Данііл Урыцкі. Журналісты апазналі ў ім былога прэм'ер-міністра Кыргызстана Даніяра Усенава, але арганізатары мерапрыемства паведамілі, што дырэктар не будзе гэта каментаваць.

Карэспандэнт выдання Naviny.by ўсё ж пагаварыў з Даніілам Урыцкім. На пытанне, ці з'яўляецца ён на самай справе былым прэм'ер-міністрам Кыргызстана, Урыцкі адказаў наступнае: «У кіргізаў і пытайцеся».

На дадатковыя пытанні Урыцкі не захацеў адказваць. Аднак літаральна праз хвіліну ён праз маладога чалавека папрасіў карэспандэнта вярнуцца і адкласці ў бок камеру і дыктафон. Толькі пасля гэтага ён пагадзіўся гаварыць. Дырэктар БНБК паказаў беларускі пашпарт на імя Данііла Урыцкага. На просьбу абвергнуць інфармацыю, што ён з'яўляецца Даніярам Усенавым, ён адказваў унікліва. Пазней не пад дыктафонны запіс ён дазволіў працытаваць сябе наступным чынам: «Я чуў, што Даніяр Усенаў, прэм'ер-міністр Рэспублікі Кыргызстан, памёр у 2013 годзе ў Малайзіі».

Каментары36

Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні

Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні

Усе навіны →
Усе навіны

БелАЗ збіраецца асвоіць выпуск тэхнікі для работ пад зямлёй2

У Славакіі праходзяць шматтысячныя пратэсты супраць прарасійскай палітыкі ўрада Фіцы7

Былы твар «Белсата» Алесь Залеўскі вярнуўся на тэлеканал10

Беларускія добраахвотнікі паставілі на ўкраінска-беларускай мяжы «перадвыбарчы» білборд ФОТЫ5

«Рэпарцёры без межаў» падалі на Лукашэнку ў Міжнародны крымінальны суд2

На датэрміновым галасаванні ўжо вывелі лічбу ў 35,99%6

У порт Тартуса прыйшлі расійскія караблі. Расія выводзіць войскі з Сірыі?4

Адбылася аварыя на каналізацыйным трубаправодзе ЦЭЦ-3 у Мінску3

Падчас «інтэрв’ю» на БТ Верамейчык спрабаваў патлумачыць Гладкай ролю Каліноўскага. «Мы, канечне, выразалі»3

больш чытаных навін
больш лайканых навін

Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні

Латушка: Рыжанкоў марыць стаць прэзідэнтам Беларусі і ненавідзіць Лукашэнку. Ён не пройдзе дэтэктар хлусні

Галоўнае
Усе навіны →