У сацсетках жартуюць, што знойдуць украінскі след.
Дэпутат Дзярждумы, народны артыст Расіі Мікалай Бурляеў папрасіў Следчы камітэт расследаваць смерць паэта Міхаіла Лермантава, які загінуў на дуэлі ў 1841 годзе, піша Радыё Свабода.
Дэпутат лічыць, што следства пасля дуэлі было праведзена нядобрасумленна: напрыклад, ён піша, што куля трапіла ў цела «па неверагоднай для роўнай паверхні траекторыі — знізу ўверх, пад вуглом амаль у 40 градусаў». «Пераканаўча прашу вас аб правядзенні сучаснага, сумленнага, непрадузятага расследавання з выкарыстаннем сучасных тэхналогій, наяўных у распараджэнні Следчага камітэта Расіі», — гаворыцца ў яго звароце.
У сацсетках над ініцыятывай Бурляева аднадушна пацяшаюцца і памяркоўныя, і патрыятычныя, і ліберальныя аўтары. Многія спрабуюць уявіць сабе, як магло б выглядаць такое «расследаванне», і прапануюць Следчаму камітэту іншыя востра актуальныя справы.
«Абсурдныя гісторыі ад дэпутатаў дапоўніліся прапановай расследаваць гібель Міхаіла Лермантава. Ну, гэта значыць, усё па-даросламу: адкрыць крымінальную справу, правесці следча-аператыўныя мерапрыемствы, экспертызы і ўсе справы. Выключна таму, што дэпутату здалося нешта незразумелым і дзіўным у афіцыйнай версіі гібелі. Не пад тым вуглом куля трапіла.
Верагодна, снайпер спецназа ГУР сядзеў непадалёк і пазбавіў Расію яе здабытку.
Добра быць дэпутатам у Расіі. Карысці ад цябе прыкладна нуль, сумна, вось ты і фантануеш рознага роду прапановамі. Заробак, зноў жа. Дзяржзабеспячэнне. Абеды ў сталовай за смешныя грошы. Чаго не дэпутацтваваць», — напісаў Анатоль Несміян.
Каментары
У свеце акрамя Дастаеўскага (дарэчы не расейскае прозвішча) і дуркаватага графамана-спамера Толстога, нікога не ведаюць. Вось і ўся "веліч"