Улада1414

Расійскія тэлеграм-каналы масава анансуюць, што Крэмль адкліча Бабіча з Беларусі

Ад учорашняга дня найбуйнейшыя расійскія палітычныя тэлеграм-каналы паведамляюць, што Аляксандр Лукашэнка ўсё ж дамогся таго, каб Расія адклікала з Беларусі свайго пасла Міхаіла Бабіча. Праўда, пакуль аніякіх афіцыйных пацверджанняў гэтаму няма.

Міхаіла Бабіча прызначылі паслом летам 2018 года. Да гэтага ён быў спецпрадстаўніком прэзідэнта Расіі па Паволжскай федэральнай акрузе. Некаторыя крыніцы адзначалі, што беларускі бок доўгі час адмаўляўся прыняць Бабіча, але ў выніку прыняў рашэнне, што пусціць яго ў Мінск.

Адносіны Бабіча з беларускімі ўладамі не дужа склаліся. Пасол меў звычку публічна спрачацца з кіраўніком Беларусі. Ён абвяргаў словы Лукашэнкі ў СМІ. У выніку частыя выступы Бабіча спарадзілі канфлікты.

Прэс-сакратар МЗС нашай краіны Анатоль Глаз называў Бабіча «перспектыўным рахункаводам і бухгалтарам». А зусім нядаўна беларускае Міністэрства замежных справаў сказала, што ніхто не нарабіў столькі шкоды беларуска-расійскім адносінам, як пасол. І хоць Лукашэнка ўскосна падчас паслання да народа і парламента сказаў, што Бабіча могуць і выкінуць з краіны, але запэўніў, што сама Расія павінна разабрацца з дыпламатам.

«Давер Масквы да Бабіча не змяніўся. Аднак пасол разумее, што Лукашэнка не дасць яму спакойна працаваць. Дробныя прыдзіркі і правакацыі будуць раздзімацца да міжнароднага тролінгу. Гэта будзе сабатаваць інтэграцыю саюзнай дзяржавы», — піша Нязыгар.

Канал тлумачыць, што кіраўніцтва Беларусі не можа дараваць Бабічу «вываду на дзяржаўны ўзровень пытання ўвозу з тэрыторыі Беларусі санкцыйных тавараў». Насамрэч гэтая тэма абмяркоўвалася ў расійскіх вярхах задоўга да прызначэння Бабіча.

Усе гэтыя тэлеграм-каналы нязменна хваляць Бабіча за ягоную працу ў Беларусі. Маўляў, ён разварушыў «асінае гняздо», а наступнік проста мусіць працягваць працаваць па лякалах папярэдніка.

«А сам Міхаіл Бабіч прывязе ў Маскву масу асабістых кантактаў з беларускімі бізнэсменамі, чыноўнікамі, сілавікамі. І з вялізным аб'ёмам ведаў і інфармацыі, якую можна будзе лёгка выкарыстоўваць для абароны інтарэсаў Расіі. Калі Лукашэнка зноў пачне «забываць» пра свае абяцанні, чым ён беспакарана займаецца чвэрць стагоддзя», — працягвае Нязыгар.

Тэлеграм-канал «Пяр падчас чумы» задаецца пытаннем, што ж Лукашэнка мог паабяцаць Пуціну ў адказ на адкліканне ў Маскву Бабіча? Выказваюць версію, што звальненне міністра замежных спраў Уладзіміра Макея, але самі ж пасля пішуць, што такое на гэтым этапе немагчыма. Прызнанне Крыма расійскім? Зноў жа пішуць, што малаверагодна.

«Бульба прастолаў», якую, найхутчэй, вядзе нехта з асяроддзя «Рэгнума», абураецца, што працы для пасла Бабіча ў Беларусі яшчэ мора і яго ні ў якім разе адклікаць пакуль нельга. Маўляў, не ўсё яшчэ раскрыў пасол. Як прыклад называюць супрацоўніцтва Беларусі і НАТО.

Называюць нават і прозвішча чалавека, які можа быць адпраўлены ў Мінск замест Бабіча, — гэта памочнік Уладзіміра Пуціна, былы віцэ-прэм’ер Уладзіслаў Суркоў.

Каментары14

Цяпер чытаюць

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае1

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае

Усе навіны →
Усе навіны

Макрон у Ватыкане паціснуў руку Зяленскаму, але не стаў ціснуць Трампу12

Новы трэнд у пластычнай хірургіі: жанчыны ўшываюць сабе ў грудзі «бія-бюстгальтары»7

У Магілёве высекуць ахоўную частку Пячэрскага лесапарку, каб пабудаваць царкву8

Дзеячы культуры наракаюць, што музыкант Пятро Клюеў пазычыў у іх грошы і не аддае месяцамі13

Кітайская армія заняла спрэчны рыф Сэндзі-Кей у Паўднёва-Кітайскім моры12

«Увесь дзень мы будзем абрынаць сайты». Абяцалі мегааперацыю, зрабілі банальную ддос-атаку7

Брат Вальфовіча стаў вайсковым камісарам Мінскай вобласці6

У Іспаніі знайшлі абломкі буйнога карабля часоў Сярэднявечча

Чаму Ціханоўская не паехала на пахаванне Папы?42

больш чытаных навін
больш лайканых навін

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае1

Пасля дэфіцыту бульбы і капусты ўлады спрабуюць не дапусціць калапсу з агуркамі — у некаторых гарадах не хапае

Галоўнае
Усе навіны →

Заўвага:

 

 

 

 

Закрыць Паведаміць