А па падліках экспертаў яна ўсталявана ўжо на кожным дваццатым беларускім кампутары
Аналітычная кампанія Net Applications добра пасмяшыла беларускіх кампутарных карыстальнікаў.
Згодна з падлікамі экспертаў, у Беларусі на 5,6% кампутараў усталявана новая аперацыйная сістэма Windows 7.І гэта за пяць дзён афіцыйных продажаў у свеце. Па гэтым паказчыку наша краіна лічыцца трэцяя ў Еўропе!
Няма дакументацыі. І попыту
Смешным з’яўляецца той факт, што ў Беларусі аперацыйная сістэма так і не пачала прадавацца… Як вядома, асобнага прадстаўніцтва Microsoft у нашай краіне пакуль што няма, а існуе супольнае аддзяленне для Украіны і Беларусі. Тым не менш, пастаўкі праграмаў ажыццяўляюцца ў нашу краіну наўпрост. Дыстрыб’ютарамі Microsoft у Беларусі з’яўляюцца дзве кампаніі — «ElkoTelecom LTD» і «ASBIS Беларусь».
Спецыялістка «ElkoTelecom LTD» Вольга Фурман паведаміла, што версіі Windows 7 для фізічных асобаў ужо з’явіліся ў прайсе кампаніі, але яшчэ нават не пастаўляліся «праз невялікі попыт». А вось версіі для зборшчыкаў кампутараў ужо паступілі на склад, і даволі хутка трапяць у продаж.
Прадстаўніца «ASBIS Беларусь» Вераніка Сянько расказала, што Windows 7 пакуль што не з’явілася ў продажы і ў іх кампаніі: «Пакуль што ідзе праца з дакументацыяй, бо патрабаванні да яе ў Беларусі і астатніх еўрапейскіх краінах адрозніваюцца».
«Хутчэй за ўсё продажы пачнуцца ў лістападзе, прычым не ў пачатку, а бліжэй да сярэдзіны»,— удакладніла Вераніка Сенько.
Усё для студэнтаў
Тым не менш, у Беларусі ёсць шмат легальных карыстальнікаў ліцэнзійнай Windows 7.
У рамках праграмы MSDN Academic Alliance студэнты тэхнічных спецыяльнасцяў могуць атрымліваць прадукт Microsoft бясплатна.У Беларусі такія дамоўленасці заключаныя з факультэтамі радыёфізікі і прыкладной матэматыкі у БДУ і факультэтам кампутарных сетак у БДУІРы.
Кожны студэнт дзённага навучання можа атрымаць ліцэнзійныя ключы і саму аперацыйную сістэму, прычым калі студэнты БДУ — толькі англійскую версію Windows, то ў БДУІРы — і расійскую, і англійскую.
Таксама Microsoft ладзіў адмысловую акцыю па тэставанні 7-кі, дзе яе Release Candidate можна было спампаваць цалкам легальна, атрымаць серыйны нумар і карыстацца на працягу году. Нямала людзей гэтым скарысталіся.
Два мільёны ці дзесяць тысяч?
Яшчэ больш карыстальнікаў нелегальных — амаль у кожнай краме з дыскамі прадаецца піратская версія Windows 7. Дыск каштуе 10-12 тысяч рублёў.
Ліцэнзійная праграма даражэйшая ў сотні разоў. Базавая версія з мінімумам магчымасцяў Windows Home Basic будзе каштаваць 262 тысячы рублёў, а
за максімальную Windows Ultimate прыйдзецца заплаціць 2 124 000 рублёў.А вось у інтэрнэт-краме Oz.by усталявана цана 1 345 000 рублёў. Праўда, усе гэтыя прапановы — на будучыню.
Існая прапанова - спампаваць аперацыйную сістэму з сайту Microsoft і атрымаць ліцэнзійны ключ за $150 (410 тысяч рублёў у эквіваленце). Грошы трэба будзе пералічыць праз інтэрнэт, што абмяжоўвае колькасць беларусаў, якія змогуць скарыстацца прапановай. Інтэрнэт-аплата развітая у нашай краіне вельмі слаба.
Памятаеце палітвязня Вітухноўскага, які пайшоў ваяваць за Расію? Ён ужо загінуў9
Каментары