Dziaržaŭnyja mas-medyja raspaŭsiudzili infarmacyju pra polskich dziaciej sa Ščučyna, paciarpiełych ad kanfliktu vakoł Sajuzu palakaŭ. (Što dziŭna, kolkaść dziaciej padajuć pa-roznamu: spačatku pra 50, «SB — Biełaruś siehodnia» ŭ aŭtorkavym numary havoryć užo pra «amal 100».) Maŭlaŭ, palaki z horadu Alecka śpiarša zaprasili hrupu na adpačynak, a potym admovili, bo kiraŭnik ščučynskaj filii Viktar Bohdan padtrymaŭ Tadevuša Kručkoŭskaha (u tym liku i ŭ vystupie na BT). Vinavatym va ŭsim nazvali Hieneralnaje konsulstva Polščy ŭ Horadni: jano, maŭlaŭ, nia vydała vizy dzieciam. Hazeta «SB — Biełaruś siehodnia» zaznačyła z honaram, što «adpačynak školnikaŭ nie sapsavany. Ich z zadavalnieńniem pryniaŭ dziciačy azdaraŭlenčy letnik «Kupalinka» pradpryjemstva «Horadnia-Azot».
Kiraŭnik haradzienskaj filii HA «Biełaruskaja asacyjacyja žurnalistaŭ» Pavał Mažejka ŭziaŭsia pravieryć infarmacyju. Što ž akazałasia? «Kožnaha z baćkoŭ hetych dziaciej abzvanili persanalna i aformili im vizy. Užo kala tydnia tamu jany vyjechali ŭ Polšču. Što za dzieci ciapier adpačyvajuć u «Kupalincy»? Nia viedaju. Mahčyma, tam i jość dzieci etničnych palakaŭ. Ale dakładna, što heta nia taja hrupa, jakaja padavała zajaŭki na vizy ŭ Polšču».
Tym časam najbujniejšaja polskaja arhanizacyja «Vspulnota polska», analah našaj «Baćkaŭščyny», sapraŭdy adrakłasia kantaktaŭ z Ščučynskaj filijaj SPB, bo V.Bohdan z ułasnaj achvoty vystupiŭ u filmie «Chto zamoviŭ Sajuz palakaŭ», jaki, na dumku «Vspulnoty», nia prosta antypolski, ale i adkryta raspalvaje nacyjanalnuju varožaść. Adzin z kiraŭnikoŭ «Polskaj sadružnaści» Andžej Chadkievič zajaviŭ: «Nielha supracoŭničać ź ludźmi, jakija supracoŭničajuć ź biełaruskim KDB. Jany beściać Polšču i chočuć adnačasova nakiroŭvać u Polšču dziaciej».
Što da dački Viktara Bohdana, jakuju, pavodle biełaruskaha ambasadara ŭ Polščy Paŭła Łatuški, «vykinuli z adnoj z polskich VNU», dyk akazałasia, što joj paprostu… nie chapiła bałaŭ, kab pastupić u Hdański ŭniversytet.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary