4 žniŭnia Rada Ministraŭ narešcie pryniała pastanovu, pra jakuju daŭno havaryli ŭ kuluarach. Z 1 lipienia nastupnaha hodu ŭ krainie ŭvodzicca abaviazkovaje markiravańnie tavaraŭ štrychavymi identyfikacyjnymi kodami.
Pastanova pašyrajecca na ŭsie tavary — vytvorcami jakich źjaŭlajucca jak jurydyčnyja asoby, tak i indyvidualnyja pradprymalniki, — na jakija mohuć być naniesienyja hetkija kody.
U jakaści pryčyny nazyvajecca nieabchodnaść pašyreńnia tavarnaj numaracyi dy štrychavoha kadavańnia ŭ Mižnarodnaj systemie tavarnaj numaracyi. Jak paviedamlajecca na sajcie Nacyjanalnaha pravavoha partału, u metach pavyšeńnia jakaści naniasieńnia kodaŭ na bazie Nacyjanalnaha centru infarmacyjnych resursaŭ dy technalohij Nacyjanalnaj akademii navuk Biełarusi da 1 studzienia 2006 hodu budzie stvorany centar veryfikacyi mižnarodnych štrychavych kodaŭ. Centar sumiesna ź ministerstvami handlu j pramysłovaści musić da 1 studzienia 2006 hodu ŭnieści na razhlad Rady Ministraŭ Biełarusi prapanovy ab pierachodzie na markiravańnie tavaraŭ z prymianieńniem radyjočastotnaj identyfikacyi pradukcyi (RFID-technalohii) dy ab arhanizacyi navukova-metadyčnaha zabieśpiačeńnia stvareńnia aŭtamatyzavanych infarmacyjnych systemaŭ z vykarystańniem hetych technalohij. Planujecca taksama stvaryć admysłovuju arhanizacyju, jakaja b adkazvała za tavarnuju numaracyju.
Ciažka ŭjavić, kab usie biełaruskija vytvorcy biesturbotna pierajšli na novuju systemu na praciahu hodu. Niajasny pakul i mechanizm adsočvańnia padrobak. Ale Asacyjacyi tavarnaj numeracyi da 1 listapada 2005 hodu daručana raspracavać dy raspaŭsiudzić siarod handlovych arhanizacyj metadyčnyja rekamendacyi pa vykarystańni tavarnych numaroŭ dy štrych-kadavańnia ŭ handli.
U lubym razie, apošniaja navacyja radykalna źmianiaje ŭłasna paniatak dahavoru kupli-prodažu, bo ciapier štrychavy identyfikacyjny kod na tavary (pradukcyi) — adna ź istotnych (!) umovaŭ dahavoru kupli-prodažu (pastaŭki) tavaraŭ (pradukcyi). Pastanova pašyrajecca jak na hurtovy handal, tak i na handal urazdrob.
Ot ža, paspality biełarus musić chutka navučycca zvažać nia tolki na termin prydatnaści, ale j na mudrahielistyja rysački. Kuplajma štrychavanaje!
Ciapier čytajuć
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika2
Raptoŭna pamianiaŭsia kiraŭnik Viciebskaj vobłaści. Pryčynaj nazvali chvarobu 50‑hadovaha Alaksandra Rahožnika
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5656
Kamientary