Łukašenka źjaŭlajecca prychilnikam samaha žorstkaha pakarańnia za ŭčynieńnie DTZ u pjanym vyhladzie, paviedamiŭ jon na sustrečy sa studentami i vykładčykami BDUIR.
«Kali ty ŭ pjanym vyhladzie sieŭ u aŭtamabil i zabiŭ čałavieka, a ty ž viedaŭ, što nielha ŭ pjanym vyhladzie jechać, viedaŭ, što pić nielha, kali ty za rulom, bolš za toje — ty ž zabiŭ čałavieka, — u hetym vypadku ja samy zaŭziaty zmahar taho, kab za heta adkazvali na ŭsiu katušku», — skazaŭ jon.
«Ja prychilnik taho, kab u takich vypadkach aŭtamabili kanfiskoŭvali, a kiroŭcy adpravili hadoŭ na 15–25 u miescy nie hetak addalenyja, — adznačyŭ Alaksandr Łukašenka.— I ja pierakanany, što ŭ vyniku hetych mier całkam źmienicca stanovišča».
U jakaści prykładu jon pryvioŭ azijackija krainy, dzie isnuje žorstkaje pakarańnie za takija złačynstvy. Praŭda, dadaŭ jon, dla Biełarusi takija praviły nieprymalnyja.
«Kali my ŭviadziem žorstkija praviły i žorstkuju adkaznaść, i pakarańnie budzie niaŭchilna, tady budzie paradak», — upeŭnieny Łukašenka.
«Davajcie razam vyznačymsia, u bližejšy čas mnie uniasuć prapanovy, ale ja prychilnik samaha žorstkaha pakarańnia za zabojstva pry kiravańni aŭtamabilem pjanym. Jakoje?
U bližejšy čas prymiem rašeńnie», — adznačyŭ Łukašenka.
Kamientary