Maryna Łobava paviedamiła, što 11 studzienia joj z kalonii patelefanavaŭ syn, palitviazień Eduard Łobaŭ. Jon pieradaŭ maci, što jaho mohuć pakarać pazbaŭleńniem karotkaterminovaha spatkańnia, jakoje jany planavali na luty.
«Pahavaryli my vielmi chutka. Ja źbirałasia na nastupnym tydni zvanić u kaloniju, damaŭlacca pra toje, kali možna jechać na spatkańnie. Ale Edzik mnie skazaŭ, što
spatkańnia jaho mohuć pazbavić, bo ŭ jaho było niejkaje parušeńnie.Pakul vyrašajecca, jakoje na jaho mohuć nakłaści pakarańnie. Što za parušeńnie, ničoha nie skazaŭ, nie patłumačyŭ».
Kali z Eduardam Łobavym adbyłosia toje, što administracyja ličyć parušeńniem, maci palitviaźnia nieviadoma. Heta mahło być u luby dzień z 31 śniežnia, kali Eduard apošni raz zvaniŭ damoŭ, bo tady jon ničoha nie kazaŭ pra incydent.
Maryna Łobava:
«Heta moža być što zaŭhodna: nie tudy pajšoŭ, nia tam apynuŭsia, nie zašpiliŭsia, niedakładna pavitaŭsia. Pry žadańni možna za ŭsio pryčapicca».
Maci palitviaźnia nahadała, što da kanca 2012 hodu na rachunku Eduarda Łobava ličyłasia 7 parušeńniaŭ. Jak ličyć Maryna Łobava, bolšaść z parušeńniaŭ syna byli nadumanyja.
Taksama ŭ razmovie z maci Eduard Łobaŭ pieradaŭ padziaku šmatlikim ludziam, jakija vinšavali jaho z Kaladami i Novym hodam dy vykazvali jamu salidarnaść i padtrymku.
Eduard Łobaŭ adbyvaje 4 hady źniavoleńnia u ivacevickaj kalonii pa abvinavačvańni ŭ chulihanstvie. Jaho razam ź Źmitrom Daškievičam zatrymali za dzień da prezydenckich vybaraŭ.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary