U Minsku mužčyna vyliŭ šampanskaje žančyny ŭ rakavinu, za što atrymaŭ nažom u žyvot
U Minsku 39‑hadovuju žančynu abvinavačvajuć u naŭmysnym pryčynieńni ciažkich cialesnych paškodžańniaŭ mužu. Kryminalnuju spravu ŭžo pieradali ŭ sud, paviedamlaje ahienctva «Minsk-Naviny».
Muž i žonka žyli ŭ zdymnaj kvatery na vulicy Akademika Karskaha. Adnojčy žančyna zachacieła vypić, tady muž schadziŭ u kramu pa dźvie butelki šampanskaha dla jaje i piva dla siabie. Jany siadzieli na kuchni, vypivali i razmaŭlali.
Kali žančyna zaŭvažyła, što muž apjanieŭ, jana zrabiła jamu zaŭvahu, bo jamu jašče treba było pracavać dystancyjna. Adnak mužčyna praciahnuŭ pić piva. Heta razzłavała žonku, i jana skinuła sa stała jahony kufal ź piennym napojem, jaki raźbiŭsia.
U adkaz muž uziaŭ niedapituju butelku šampanskaha i pačaŭ vylivać napoj u rakavinu. U hety momant žančyna schapiła kuchonny nož i ŭdaryła jaho ŭ žyvot.
Zrazumieŭšy, što zrabiła, jana pasprabavała akazać mužu pieršuju dapamohu. Adnak stan paciarpiełaha paharšaŭsia, tamu žančyna vyklikała chutkuju dapamohu. Pierad pryjezdam miedykaŭ jana vymyła nož i prybrała ŭ kvatery. Muž i žonka zajavili miedykam i milicyjantam, što mužčynu nibyta paranili nieviadomyja, kali jon viartaŭsia z kramy.
Adnak paźniej praŭda vyśvietliłasia, suprać žančyny raspačali kryminalnuju spravu. Ekśpierty pryjšli da vysnovy, što mužčyna atrymaŭ ciažkija cialesnyja paškodžańni, niebiaśpiečnyja dla žyćcia.
Pavodle namieśnika prakurora Frunzienskaha rajona Andreja Sierbuna, abvinavačanaja maje vyšejšuju adukacyju, aficyjna nidzie nie pracuje i raniej nie pryciahvałasia da kryminalnaj adkaznaści. Jana maje dvaich dziaciej ad pieršaha šlubu, jakija žyvuć z baćkam.
Žančynie vystavili abvinavačańnie pavodle častki 1 artykuła 147 Kryminalnaha kodeksa — naŭmysnaje pryčynieńnie ciažkaha cialesnaha paškodžańnia, niebiaśpiečnaha dla žyćcia. Svaju vinu abvinavačanaja całkam pryznała. U jakaści miery strymańnia ŭ dačynieńni da jaje ŭžyli asabistaje paručalnictva.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary