Fihurant «bałotnaj spravy», jakomu nie dali palityčnamu prytułku ŭ Niderłandach, pakončyŭ z saboj
Trahiedyja zdaryłasia ŭ centry dla biežancaŭ u Raterdamie.
Dałmatovu admovili ŭ nadańni palityčnaha prytułku. Adnak sudovaha pasiedžańnia pa apielacyjnaj skarzie apazicyjaniera jašče nie było. Jon utrymlivaŭsia ŭ centry dla ŭciekačoŭ razam z sotniami mihrantaŭ ź inšych krain.
Pakinuć Rasieju Dałmataŭ vyrašyŭ paśla pieratrusaŭ u jaho kvatery. Śledčyja orhany ŭ červieni praviali vobšuki adnačasova ŭ dziesiatkaŭ rasijskich aktyvistaŭ i hramadskich dziejačaŭ u suviazi z rasśledavańniem kryminalnaj spravy ab «masavych biesparadkach» na Bałotnaj płoščy 6 maja. U samoha Dałmatava pieratrusy prachodzili dvojčy.
Dałmataŭ pakinuŭ Maskvu i nakiravaŭsia ŭ Kijeŭ, 9 červienia jon pierasiok hałandskuju miažu.
Dałmataŭ pracavaŭ viadučym kanstruktaram na zakrytym rakietnym pradpryjemstvie AAT «Karparacyja «Taktyčnaje rakietnaje ŭzbrajeńnie».
Krynicy ŭ mihracyjnaj słužbie Niderłandaŭ pryznajuć, što ŭ 2013 hodzie atrymać palityčny prytułak hramadzianam Rasii budzie praktyčna niemahčyma. Rasiju nie razhladajuć jak krainu, dzie hramadzian pieraśledujuć z palityčnych matyvaŭ.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma7
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary