Jabłyki suprać chalesterynu: An Apple a Day Keeps the Doctor Away
Stanoŭčyja vyniki pakazała daśledavańnie, jakoje pravioŭ prafiesar amierykanskaha ŭniviersiteta ŭ Ahajo Robiert Dy Silviestra.
Va ŭdzielnikaŭ ekśpierymientu siaredniaha vieku, jakija pačali źjadać pa adnym jabłyku kožny dzień, byli zaŭvažanyja značnyja źmieny. Ekśpierymient praciahvaŭsia ŭsiaho miesiac, ale ŭ vyniku ŭzrovień «drennaha» chalesterynu ŭpaŭ na 40 pracentaŭ. Inšaja hrupa ŭdzielnikaŭ atrymlivała tabletki -antyaksidanty na bazie jabłykaŭ. U ich taksama było zafiksavanaje źnižeńnie ŭzroŭniu «drennaha» chalesterynu, ale nie ŭ takoj značnaj miery.
«Drenny» chalesteryn, jaki ŭjaŭlaje saboj spałučeńnie chalesterynu i lipaprateinaŭ nizkaj ščylnaści (LDL, Low density lipoproteins), taksama nieabchodny dla arhanizmu. Adnak, jak praviła z uzrostam, «drenny» chalesteryn zdolny zakuporvać arteryi, što viadzie da infarktu, aterasklerozu i padobnych pahroz zdaroŭju. Normaj chalesterynu ŭ kryvi ličycca pakazčyk 3,0–6,0 mmol/ł.
U amierykancaŭ, darečy, jość prykazka An apple a day keeps the doctor away (źjadaj pa jabłyčku ŭ dzień, i da doktara chadzić nie tre budzie).
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim6
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3131
Kamientary